IiNdumiso

EkaDavide. Ingoma emnandi.

101 Ndiza kucula ngothando olungagungqiyo nobulungisa.

Ndiza kukudumisa ngengoma* Yehova.

2 Ndiza kwenza ngobulumko nangokungenasiphoso.

Uza kuza nini kum?

Nasendlini yam, ndiza kuhamba ngentliziyo engenasiphoso.+

3 Andizukubeka nantoni na engento yanto phambi kwamehlo am.

Ndiyazenyanya izinto ezenziwa ngabantu abayishiyayo indlela elungileyo;+

Akukho nto indidibanisa nabo.*

4 Intliziyo egqwethekileyo ikude lee kum;

Andizukuyamkela* into embi.

5 Nabani na ohleba ummelwane wakhe engcolisa igama lakhe+

Ndiza kumvala umlomo.*

Nabani na onamehlo anekratshi nophakamileyo entliziyweni,

Andizukumnyamezela.

6 Ndiza kubakhetha abathembekileyo emhlabeni,

Ukuze bahlale nam.

Ngumntu ongenasiphoso oza kundisebenzela.

7 Akuzukubakho mntu uqhathayo endlini yam,

Kungazukubakho xoki liza kuma phambi kwam.*

8 Ndiza kubavala umlomo* ntsasa nganye bonke abenzi-bubi abasemhlabeni,

Ukuze ndibatshayele bonke abenza izinto ezimbi kwisixeko sikaYehova.+