IiNdumiso

 2 Mna ke, iinyawo zam beziphantse zatenxa;

Iinyawo zam ziphantse zatyibilika.+

 3 Kuba ndabamonela abaziphakamisileyo*

Xa ndandibona abenzi-bubi beseluxolweni.+

 4 Kuba abeva ntlungu xa besifa;

Bayimiqabaqaba.*+

 5 Abanazingxaki njengabanye abantu,+

Ibe abanazintlungu njengamanye amadoda.+

 6 Ngoko ukuziphakamisa kunjengentsimbi yomqala kubo;+

Ubundlobongela bunjengesambatho.

 7 Ukuphumelela* kwabo kubenza bathi phuhlu amehlo;

Izinto zibahambele kakuhle kakhulu kunokuba bebecinga ezintliziyweni zabo.

 9 Bathetha ngathi basemazulwini,

Bathetha unothanda emhlabeni.

10 Ngoko abantu bakhe bayamshiya baye kubo,

Ibe basela kumanzi abo amaninzi.

13 Ngokuqinisekileyo bekulilize ukuyigcina imsulwa intliziyo yam

Nokuhlamba izandla zam ngobumsulwa.+

14 Ndakhathazeka imini yonke,+

Ndikhalinyelwa ntsasa nganye.+

15 Kodwa ukuba bendizithethile ezi zinto,

Bendiya kuba ndibajikele abantu bakho.*

16 Ndithe xa ndizama ukuyiqonda le nto,

Yandikhathaza

17 De ndangena kwingcwele ezukileyo kaThixo,

Ndayibona into eza kwenzeka kubo.

20 Owu Yehova, njengokuba emntu elilibala iphupha xa evuka,

Xa uvuka, uza kuwususa* umfanekiso wabo.

21 Kodwa intliziyo yam yayibuhlungu,+

Ndinento endihlabayo ngaphakathi.*

22 Ndandingacingi yaye ndingaziqondi izinto;

Ndandifana nje nesilwanyana esingenangqondo phambi kwakho.

23 Kodwa ngoku ndihlala ndikunye nawe;

Usibambile isandla sam sasekunene.+

24 Undikhokela ngecebiso lakho,+

Ibe emva koko uza kundenza ndizukiswe.+

26 Umzimba nentliziyo yam zisenokuphelelwa,

Kodwa uThixo uliliwa lentliziyo yam nesabelo sam ngonaphakade.+

INkosi enguMongami uYehova ndiyenze indawo endibalekela kuyo,

Ukuze ndithethe ngazo zonke izinto ozenzileyo.+