4, 5. Ifanekisela bani indoda ekumzekeliso, ibe yintoni italente?

⁴ Funda uMateyu 25:14-30. Kumzekeliso weetalente, uYesu wathetha ngandod’ ithile eyathatha uhambo. Komnye umzekeliso ofana nalowo, uYesu wathetha ngendoda eyathatha uhambo isiya kuba ngukumkani.d (Funda umbhalo osemazantsi.) (Luka 19:12) Kangangeminyaka emininzi iincwadi zethu bezisithi kuyo yomibini le mizekeliso, indoda ifanekisela uYesu, owaya ezulwini ngonyaka ka-33 C.E. Kodwa uYesu akazange abe nguKumkani zisuka nje akufika ezulwini. Walinda de kwango-1914, xa iintshaba zakhe zabekwa “njengesihlalo seenyawo zakhe.”—Hebhere 10:12, 13.