• Musani Ukukhangela “Kwizinto Ezisemva”
    IMboniselo—2012 | Matshi 15

    • 12. UPawulos wayevakalelwa njani ngezinto awazishiya ngasemva?

      12 Umpostile uPawulos wancama izinto ezininzi ukuze abe ngumlandeli kaKristu. (Fil. 3:4-6) Wayevakalelwa njani ngezinto awazishiya ngasemva? Uyasibalisela: “Izinto ebeziyinzuzo kum, ndazigqala ziyilahleko ngenxa kaKristu.” Yaye kutheni kunjalo nje? Walek’ umsundulo athi: “Ndikwazigqala zonke izinto ziyilahleko ngenxa yexabiso eligqwesileyo lolwazi olungoKristu Yesu iNkosi yam. Ngenxa yakhe ndiye ndalahlekelwa zizinto zonke yaye ndizigqala njengenkunkuma eninzi, ukuze ndimzuze uKristu.”a (Fil. 3:7, 8) Kanye njengokuba umntu olahle inkunkuma engazisoli kamva ngokulahlekelwa yiyo, uPawulos wayengazisoli ngamathuba omsebenzi awawashiya ngasemva. Wayengasavakalelwa kukuba axabisekile.

      13, 14. Sinokuwulandela njani umzekelo kaPawulos?

      13 Yintoni eya kusinceda ukuba siqalisa ukucamngca ngamathuba esicinga ukuba sawancama? Landela umzekelo kaPawulos. Sinokukwenza njani oko? Hlola ixabiso loko unako ngoku. Unolwalamano oluxabisekileyo noYehova yaye umkhonza ngokuthembeka. (Heb. 6:10) Ngaba zikho izinto eziphathekayo esinokuzifumana ehlabathini ezinokusondela kwiintsikelelo zokomoya esizinandipha ngoku nesiza kuzinandipha kwixa elizayo?—Funda uMarko 10:28-30.

  • Musani Ukukhangela “Kwizinto Ezisemva”
    IMboniselo—2012 | Matshi 15

    • a Igama lolwimi lwantlandlolo eliguqulelwe ngokuthi “inkunkuma” likwathetha “oko kuphoselwa izinja,” “ubulongwe,” “ilindle.” Omnye umphengululi weBhayibhile uthi, ukusebenzisa kukaPawulos eli gama kuthetha “ukuzimisela ukuyishiya into engaxabisekanga neyenyanyekayo uze ungabi nanto yakwenza nayo.”