Banoyolo Abanenceba!

1. Bonke abo banenceba,

Bayathandwa nguYehova.

Bashumayela kuluntu

Ngayo inceba kaThixo.

Yena uncede abantu

Ngokunikela ngoNyana,

Afe ukuze basinde,

Baze bazuze ubomi.

2. Baphumle abanenceba,

Ekubeni bexolelwe.

Inceba abayenzelwe

NguKristu ngokubafela,

Bayazisa ngemincili

Ebantwini ngokubanzi,

Besithi kubo, “Vuyani,

UKristu uyalawula.”

3. UThixo uyabathanda

Abo babonis’ inceba.

Uya kubasikelela,

Ngenceba nothando lwabo.

Ngoko bonisa inceba,

Uxelise umzekelo

KaThixo noNyana wakhe,

Ukuze usikelelwe.