Yobu

 2 “Ana jweleju ŵani jwakunyosya maloŵe ganguju,

Soni jwakuŵecheta mwangali lundaju?

 3 Chonde, mlikosechelesye mpela jwamlume jwamachili.

Unejo chinamwusye yiwusyo, soni mmwejo munjanje.

 5 Ana ŵani ŵaŵaganisisye yakuti ukulu wa chilambo uŵe wamti, naga mkumanyilila?

Kapena ana ŵani ŵaŵachilinjile chilambo chosopecho ni lukonji lwakulinjila?

 6 Ana yakwimichila ya chilambochi ŵayititimiche pa chichi?

Kapena ana ŵani ŵaŵaŵisile liganga lyakwe lyapakona,

 7 Pandaŵi jele ndondwa syakundaŵi syagumisile yimpepe mwakusangalala,

Soni pandaŵi jele ŵanache wosope ŵa Mlungu* ŵatandite kugumila mwakusangalala?

 8 Ana ŵani ŵaŵajiwugele nyasa mwakujiŵichila matanga

Pandaŵi jele nyasajo japagwaga,*

 9 Panajiwechiche nyasajo ni mawunde

Soni panajinyembile mu chipi chekulungwa,

10 Pandaŵi jele nyasajo najiŵichile malile

Soni panajiŵichile yisyano yakuwugalila ni matanga gakwe m’malo mwakwe,

11 Soni une panajisalile nyasajo kuti, ‘Myiche mpaka apa, nambo mkapitilila pelepo,

Matumbela genu gamachili gapeleleje apa’?

12 Ana mmwejo pakwete pamkulamwile kundaŵi,

Kapena kutenda yakuti kumasikusiku kumanyilile kumangwakwe,

13 Kuti mkamule mbesi sya chilambo chapasi,

Ni kuchitenganya kuti ŵandu ŵakusakala atyochemo?

14 Lilanguka likusachichenga chilambo mpela mwele chakudindila chikusachenjela lilongo,

Soni kawoneche kakwe kakusasalala mpela chakuwala chamitundumitundu.

15 Nambo ŵandu ŵakusakala ngakuliwona lilanguka lyawo,

Soni mkono wawo waŵawukwesisye mwinani utemangulidwe.

16 Ana mmwejo pakwete pampite kumalo kwakusokoka kwajatandile nyasa,

Kapena pakwete pamwungunyisye yindu yayili m’mesi gakusokoka?

17 Ana apali jwaŵammanyisye mmwejo mageti ga malembe?

Ana pakwete pamgaweni mageti ga chipi chekulungwa?

Soni ana chipi kumangwakwe kuli kwapi?

20 Ana mpaka myijigale yindu yeleyi ni kuja kuyiŵika kweleko?

Soni ana mpaka mgamanyilile matala gakwawulila kumangwakweko?

21 Ana mmwejo mkumanyilila yeleyi ligongo lyakuti mwaliji mli mpagwile kala,

Ana kapena lili ligongo lyakuti yaka yenu yili yejinji?

22 Ana mmwejo pakwete pamjinjile m’nyumba syakusunjila mesi gekamulane?

Kapena pakwete pamsiweni nyumba syakusunjila matalila,

23 Yindu yele unejo nayisunjile kuti chinayikamulichisye masengo pandaŵi jakusawusya,

Yele nayisunjile palisiku lya ngondo?

24 Ana lilanguka* likusamwasangana kutyochela kwapi?

Soni ana mbungo ja kungopokolyuŵa jikusapuga kutyochela kwapi pachilambopa?

25 Ana ŵani ŵaŵasosile ngalande sya mesi gakusefuchila

Ana ŵani ŵaŵapanganyisye litala lyakuti mawunde ga wula jamachili soni jakulindima gapiteje,

26 Ni chakulinga chakuti wula jigwe kumalo kwele kwangali mundu jwakusatama,

Ku chipululu kwele ngakukusatama ŵandu,

27 Kuti wulajo jinyoŵesye malo gejumu gagalisoni gangali kandu

Nambosoni kuti jitendekasye manyasi kusipuka?

28 Ana wula jana babagwe?

Soni ana ŵani ŵaŵagaŵeleche mangame?

29 Ana mesi gekamulane ligongo lya kusisima gakopweche m’chitumbo cha ŵani,

Soni ana ŵani ŵaŵaŵeleche lipundugulu lya kwinani

30 Ana ŵani ŵaŵatendekasisye kuti pamesi paŵeje chakuwunichila chakulimba mpela liganga,

Soni ŵani ŵaŵatendekasisye kuti penani pa mesi gakusokoka paŵe pakulimba?

31 Ana mmwejo mpaka mtaŵe ngonji sya gulu ja ndondwa ja Kima

Kapena ana mpaka mgopole ngonji sya gulu ja ndondwa ja Kesili?

32 Ana mmwejo mpaka mjikoposye gulu ja ndondwa kuti jiwoneche pandaŵi jakwe,

Kapena ana mpaka mjilongolele gulu ja ndondwa ja Asi pampepe ni ŵanache ŵakwe?

33 Ana mkugamanyilila malamusi gagakusalongolela yindu yakwinani,

Ana mmwejo mpaka myiŵichile yeleyo ulamusi wakwe pachilambo chapasipa?

34 Ana mmwejo mpaka mgagumilile mawunde,

Kuti gatendekasye mesi gakusefuchila kumtiŵisya mmwejo?

36 Ana ŵani ŵaŵaŵisile yindu yakulosya lunda m’mawunde*

Soni ana ŵani ŵaŵayipele umanyilisi yindu yakwinani?*

37 Ana ŵani ŵakwete lunda mnope kuti mpaka akombole kugaŵalanga mawunde,

Ana ŵani ŵampaka apikusye milulo* ja mesi gakwinani

38 Pandaŵi jele luwundu lukusaŵaga matope

Soni pele yigungulumwa ya petaka yikusakamulana?

39 Ana mpaka msakule nyama jakuti lilye lisimba

Soni ana mpaka mmasye sala ja masimba gamachili

40 Pandaŵi jele gakusaŵa gali gajuŵile mumbanga syawo

Kapena gali gatemi mwakuŵilila m’malo gawo gagakusatama?

41 Ana ŵani ŵakusagalinganyichisya makungulu yakulya,

Pandaŵi jele ŵanache ŵakwe akusalilila kwa Mlungu kuti ŵakamuchisye

Soni pagakusajendajenda ligongo lya kusoŵa yakulya?