Alosyeje Macili ga Maloŵe ga Mlungu Pakulalicila

Mundu patukundile kuti tumlalicile ngani syambone, tukusakamulicisya masengo upile welewu pakulosya macili ga Maloŵe ga Mlungu mwakum’ŵalanjila malemba kutyocela m’Baibulo. Yeleyi ni yiŵayigombelecesye pa msongano wapajika wa caka cimasile. Jwakulolela mkuli ŵaŵecete ngani ja mtwe wakuti “Alosyeje Macili ga Maloŵe ga Mlungu Pakulalicila” Ana wawojo akukumbucila songa syekulungwa sya ngani jejila?

• Ligongo cici maloŵe ga Yehofa gali gamacili mnope kupunda macili getu?​—2 Tim. 3:16, 17.

• Ana Baibulo jikusacenga uli kaganisye ka ŵandu, soni kwatendekasya kola ndamo syambone?—Alole Sanja ja Monda ja, June 15, 2012, peji 27, ndime 7.

• Patukum’ŵalanjila mundu lilemba, ana mpaka tutende uli pakulosya kuti tukusagacimbicisya mnope Maloŵe ga Mlungu?​—Alole buku ja Pindulani, peji 148, ndime 3-4 soni Undumetume wa Ucimwene wa March 2013, peji 6, ndime 8.

• Ligongo cici kuli kwakusosekwa mnope kugatagulila ni kugaŵicila kunyuma malemba patukum’ŵalanjila mundu, soni ana mpaka tutende catuli yeleyi?​—Mase. 17:2, 3; alole buku ja Pindulani, peji 154, ndime 4 mpaka peji 156, ndime 5.