• Jwalijiganyisye pa Yakulemwa Yakwe
    Asyasyeje Cikulupi Cawo

    • 12. (a) Ana ligongo cici ngatukusosekwa kwanguya kumjelusya Yona ligongo lyakuti ŵagonile pandaŵi jele cimbungo caliji mkuputa panyasa? (Alolesoni maloŵe gamwiŵanda.) (b) Ana Yehofa ŵajuwile catuli cacatendekasisye cimbungo panyasa?

      12 Yona jwaliwonaga kuti pangali cilicose campaka atende cakwakamucisya ŵakwendesya combo ŵala, m’yoyo jwagambile kwawula m’cipinda ca pasi pa combo ni ŵagonile kweleko. Paŵaliji kweleko jwalakwe jwagonile lugono lwakuwa nalyo.b Kaneko mlongola jwa ŵakwendesya combo ŵamsimene Yona ali agonile, ni ŵamjimwisye, ni kumlimbikasya kuti apopele kwa mlungu jwakwe mpela muŵatendelaga ŵanewo. Ŵakwendesya comboŵa ŵasimonjile mnope ni cimbungoci, mwati ŵasakaga kumanyilila jwaŵatendekasisye cimbungoco pakulondola. Mwangakayicila Yona ŵamkamwile mnope woga ŵanduwo paŵalondolagapo. Kaneko yisyesyene yakwe yamanyice. Yehofa kupitila mukulondolako jwajuwile kuti Yona ni juŵatendekasyaga kuti panyasapo paŵe cimbungo.—Aŵalanje Yona 1:5-7.

  • Jwalijiganyisye pa Yakulemwa Yakwe
    Asyasyeje Cikulupi Cawo

    • b Baibulo ja Septuagint jikusalosya kuti Yona jwagonile mnope mwati jikusajonjecesya kuti jwalakwe mpaka jwatendaga mkonono. M’malo mwakwamba kuganisya kuti Yona jwagambile gona ngasamala yayikamtendecele jwalakwe yalumo ni acimjakwewo, tukaliŵalila kuti ndaŵi sine lugono lukusamjigasya mundu ligongo lyakuti akulaga mnope nganisyo. Soni tukumbucile kuti pandaŵi jakusawusya mnope jele Yesu ŵaliji mumgunda wa Getisemane, mwanja Petulo, Yakobo ni Yohane ŵaliji ‘mkugona ligongo lyakuti cakamwile canasa.’—Luk. 22:45.