• Yampaka Yakamuchisye Kupitilisya Kulijiganya Baibulo?
    Asangalaleje Mpaka Kalakala​—Kulijiganya Baibulo Mwakambilana

    • 4. Akuwoneje kulijiganya Baibulo kuŵa kwakusosekwa

      Ndaŵi sine yikusatutupila mnope yakutenda mwamti tukusayiwona kuŵa yakusawusya kuti tulijiganye Baibulo. Ana chichi champaka chitukamuchisye? Aŵalanje Afilipi 1:10, kaneko akambilane yiwusyo ayi:

      • Ana ni yindu yapi yakusayiwona kuti yili “yambone mnope” paumi wawo?

      • Ana mpaka atende chichi kuti kulijiganya Baibulo akuwoneje kuŵa kwakusosekwa?

      A. Chiwulili: Ngani syasikusala ya chibigili chatasile msanga soni maganga. 1. Liwunjili lya maganga soni msanga. 2. Msanga uli katikati m’chibigili. 3. Maganga gali penani pa msanga m’chibigili mwamti gagumbele soni gane gasigele. B. Chiwulili: 1. Liwunjili lya msanga soni lya maganga lilalila. 2. Msanga uli katikati m’chibigili chilachila. 3. Msanga soni maganga gakwanile m’chibigili. Msanga usigalile panandi.

      1. Naga akutanda kutaga msanga mu chibigili kaneko ni kuŵika maganga, magangago nganigaŵa gakwanile

      2. Naga akutanda kuŵika maganga kaneko ni kutaga msanga, msangawo uchikwana. Mwakulandana ni yeleyi, naga tukulongosya “yambone [“yakusosekwa,” NWT] mnope” tukuchikola ndaŵi jakutendela yindu yine

      Kulijiganya Baibulo kukusatukamuchisya kuti tummanyilile Mlungu soni tumtumichileje. Aŵalanje Mateyu 4:4, kaneko akambilane chiwusyo achi:

      • Ana ni umbone wamtuli wampaka tupate naga tukusakuwona kulijiganya Baibulo kuŵa kwakusosekwa?