Yakamuchisya Pakulijiganya

“Pangulagasika ni nganisyo sya kulikayichila, Yehofa akusanimbikasya kupitila mu nyimbo sya mu JW Broadcasting^®.”—Lorraine, jwa ku U.S.A.

Aklistu aŵele ali mkukamulichisya masengo “nyimbo syausimu” pasongene pampepe. (Akolo. 3:16) Myoyo, naga akwinjisya pamtima nyimbosi mpaka syakamuchisye atamose pandaŵi janganakola buku ja nyimbo kapena chipangiso chamakono. Yindu yakuyichisyayi mpaka yakamuchisye kuti ajinjisye pamtima nyimbosi.

• Akusosekwa kuŵalanga mwakusamala maloŵe ga nyimbojo kuti apikanichisye yajikusala. Mundu akusakombola kukumbuchila ngani jinejakwe naga ajipikanichisye chenene. Maloŵe ga nyimbo syosope syatukusakamulichisya masengo, kupwatikapo nyimbo syetu soni nyimbo sya ŵanache, gakusasimanikwa pa jw.org. Ajawule palembile kuti Laibulale, kaneko ajawule palembile kuti Nyimbo.

• Alembeje pane pakwe maloŵe ga nyimbojo. Kutenda yeleyi mpaka kwakamuchisye kuti maloŵe ga mu nyimbojo gatamilichiche munganisyo mwawo.—Det. 17:18.

• Alinjilileje kwimba mwakoposya maloŵe. Ajiŵalanjeje kapena kwimba nyimbojo mwakuwilisyawilisya.

• Alinjilileje kulola naga akujikumbuchila. Alinjeje kumbuchila maloŵe ga mu nyimbojo mwangalola pamalo palembile nyimbojo, kaneko aloleje naga akukumbuchila chenene.