Tukunguluceje ni Ŵandu Ŵakusamnonyela Yehofa

Ligongo cici tukusosekwa kungulukaga ni ŵandu ŵakusamnonyela Yehofa? Ligongo lyakuti acimjetu ŵatukusasagula kunguluka nawo mpaka atulimbikasye kutenda yambone kapena yakusakala. (Mis. 13:20) Mwacisyasyo, Mwenye Yowashi ŵatesile “yakulungama” ligongo lyakuti jwakungulukaga ni Jwamkulungwa jwa Ŵambopesi Yehoyada, juŵakwete ndamo syambone. (2 Mbi. 24:2) Nambo paŵawile Yehoyada, Yowashi ŵatandite kungulukaga ni ŵandu ŵakusakala yayatendekasisye kuti amlece Yehofa.—2 Mbi. 24:17-19.

Kundanda kwa yaka ya m’ma 100 C.E., ndumetume Paulo ŵawanicisye mpingo wa Ciklistu ni “nyumba jajikulungwa” soni abale ni alongo mpela yida “yakukicini” kapena yida yakamulicisya masengo panyumba. Tukusapitilisya kuŵa “yida yakamulila masengo gakusosekwa,” naga tukuŵambala kunguluka ni jwalijose, cinga jwamwiŵasa mwetu kapena jwa mumpingo jwakutenda yindu yangamsangalasya Yehofa. (2 Tim. 2:20, 21) M’yoyo, kwende tupitilisye kunguluka ni ŵandu ŵakusamnonyela Yehofa soni ŵakusatulimbikasya kuti tumtumicileje jwalakwe.

ALOLELE FIDIYO JAKUTI TUŴAMBALEJE KUNGULUKA NI ŴANDU ŴAKUSAKALA, KANEKO AJANJE YIWUSYO YAKUYICISYAYI:

• Ana mpaka tukunguluce camtuli mwangamanyilila ni ŵandu ŵakusakala?

• Mu fidiyoji, ana cici cacakamucisye Aklistu ŵatatu kuleka kunguluka ni ŵandu ŵakusakala?

• Ana ni yiwundo ya m’Baibulo yapi yampaka yitukamucisye kusagula mwalunda ŵakunguluka nawo?