3. Ana ŵa Mboni sya Yehofa akusamkuyaga chamtuli Yesu pakulosya chinonyelo?

Yesu ŵanonyelaga mnope ŵakulijiganya ŵakwe mwamti yaŵaga mpela ali ŵamwiŵasa limo. (Aŵalanje Maliko 3:35.) Mwakulandana ni yeleyi, ŵa Mboni sya Yehofa pachilambo chosope, akusatenda yindu mwakamulana mpela liŵasa limo. Ni ligongo lyakwe tukusakolangana kuti m’bale ni mlongo. (Filimoni 1, 2) M’weji tukusapikanila lilamusi lyakuti, “Mwanonyeleje ŵakulupilila achimjenu [“wosope,” NWT].” (1 Petulo 2:17) Ŵa Mboni sya Yehofa akusalosya chinonyelo mmatala gejinji. Mwachisyasyo, akusiŵakamuchisyaga ŵakulupilila achimjawo ŵakusosechela chikamuchisyo.

6. Patubatisidwe tukusaŵa mliŵasa lya Yehofa

Patubatisidwe, tukusaŵa mbali ja liŵasa lya ŵandu ŵakamulana pachilambo chosope. Atamose kuti tukusatyochela m’yilambo yakulekanganalekangana soni tukwete ndamo syakulekanganalekangana, nambope tukusakulupilila yakulandana soni tukusakuyaga malamusi ga m’Baibulo gakulandana. Aŵalanje Salimo 25:14 soni 1 Petulo 2:17, kaneko akambilane chiwusyo achi:

• Ana ubatiso ukusamkamuchisyaga uli mundu kuŵa paunasi ni Yehofa soni ŵandu ŵakusamkulupililaga jwalakwe?

Patuli ni ŵakulupilila achimjetu, tukusaŵa ŵakusangalala mpela Mwenye Daudi. Jwalakwe jwatite: “Alole kusalala ni kunonyelesya kwa ŵandu; pakutama pampepe pa ulongo mwakamulana.” (Salimo 133:1) Kuŵa ŵakamulana kwangatendekwa jika. Jwalijose akusosekwa kutendapo kandu.

1. Ana ni chichi chachikusaŵa chakusangalasya kwa ŵandu ŵa Mlungu?

Naga akutenda misongano mchilambo chine, mwine mpaka yiŵe yakusawusya kupikana chiŵecheto cha kweleko. Nambo mpaka aŵe ŵakusangalala soni ŵagopoka mpela kuti ali kumangwawo. Ana ligongo chichi yikusaŵa myoyo? Ligongo lyakuti mabuku gatukusakamulichisya masengo pakulijiganya Baibulo, gali gakulandana. Soni tukusanonyelana jwine ni mjakwe. Wosope kulikose kwatuli, “tukusaŵilanjila pa lina lya Yehofa, soni kumtumichila mwakamulana.”—Sefaniya 3:9.

2. Ana mpaka atende yamtuli kuti aŵeje ŵakamulana?

Baibulo jikusati, “Mwanonyeleje Aklistu achimjenu ni mtima wenu wosope.” (1 Petulo 1:22) Ana mpaka akamulichisye masengo chamtuli lilembali? Mmalo mwakwamba kulola yakulepela ya achimjetu, tukusosekwa tuloleje ndamo syambone syakwete. Tuŵambaleje kwamba kunguluka ni ŵandu ŵakwete ndamo jakulandana ni jetu. Mmalomwakwe tulinjeje kwamanyilila chenene abale ni alongo ŵa ndamo sine. Naga tukwete lusagu, tukusosekwa kulingalinga kujimasya ndamo jelejo.—Aŵalanje 1 Petulo 2:17.a

3. Ana mpaka atende yamtuli naga alekangene nganisyo ni Mklistu mjawo?

Atamose kuti tukusakamulana, nambope tuli ŵangali umlama. Ndaŵi sine mpaka tutende yindu yakwatengusya ŵane. Ni ligongo lyakwe Maloŵe ga Mlungu gakusati, “Mkululuchilaneje jwine ni mjakwe.” Gakusasalasoni kuti, “Mpela mwele Ambuje ŵamkululuchile, ni jemanjasoni mkululuchilaneje.” (Aŵalanje Akolose 3:13.) Ndaŵi syejinji tukusamlemwechesya Yehofa nambope akusatukululuchilaga. Myoyo jwalakwe akusasakasoni kuti twakululuchileje achimjetu. Naga ayiweni kuti amlemwechesye mjawo, akusosekwa kutenda yakuti amasye nganijo.—Aŵalanje Mateyu 5:23, 24.b

KULIJIGANYA YEJINJI

4. Amalane ni lusagu

Twanonyeleje abale ni alongo wosope. Nambo pane mpaka yitulemeje kumnonyela mundu jwakulekangana ni ndamo jetu. Ana ni chichi champaka chitukamuchisye kumalana ni lusagu? Aŵalanje Masengo 10:34, 35, kaneko akambilane yiwusyo ayi:

• Yehofa akusiŵapochela ŵandu ŵakutyochela mmitundu josope kuŵa Mboni syakwe. Ana yeleyi mpaka yakamuchisye chamtuli kuti ŵawoneje mwakuŵajilwa ŵandu ŵakulekangana ndamo ni wawojo?

• Ana mu dela jakusatamaga, ni yindu yapi yayikusiyatendekasyaga ŵandu kusagulana? Ligongo chichi ngakusosekwa kutenda nawo yeleyi?

Aŵalanje 2 Akolinto 6:11-13, kaneko akambilane chiwusyo achi:

• Ana ni chichi champaka chakamuchisye kuti aŵe paunasi wambone ni Aklistu ŵakulekangana ndamo ni wawojo?

5. Tukululuchilaneje soni tujilaneje

Yehofa akusatukululuchila atamose kuti jwalakwe nganaŵa ajembecheye kuti tumkululuchile. Aŵalanje Salimo 86:5, kaneko akambilane yiwusyo ayi:

• Ana Yehofa akusatukululuchila chamtuli?

• Ligongo chichi akuyamichila kuti Yehofa akusatukuluchilaga?

• Ana ni yakutendekwa yapi yampaka yitulepelekasye kuŵa ŵakamulana ni ŵane?

Ana mpaka amsyasye chamtuli Yehofa kuti aŵe ŵakamulana ni abale ni alongo? Aŵalanje Misyungu 19:11, kaneko akambilane chiwusyo achi:

• Naga mundu ŵatumbilikasisye kapena kwalemwechesya, ana mpaka atende yamtuli kuti aŵe paunasi wambone ni mundujo?

Ndaŵi sine tukusitwalemwechesya ŵane. Ana tutendeje chichi payitendekwe yeleyi? Alolele FIDIYO, kaneko akambilane chiwusyo achi.

FIDIYO: Kumasya Ungapikangana Kukusayikasya Mtendele (6:01)

• Mwakamulana ni fidiyoji, ana mlongo jwatesile yamtuli kuti akamulanesoni ni mjakwe?

6. Aloleje yindu yambone mwa abale ni alongo

Patukwamanyilila chenene abale ni alongo yikusatukamuchisya kumanyilila ndamo syawo syambone soni yakulepela yawo. Ana mpaka tutende yamtuli kuti tuloleje ndamo syambone mwa ŵanduwo? Alolele FIDIYO, kaneko akambilane chiwusyo achi.

FIDIYO: Twawoneje Ŵane Mwakuŵajilwa (5:10)

• Ana ni chichi champaka chakamuchisye kuti aloleje yindu yambone mwa abale ni alongo?

Yehofa akusalolaga ndamo syetu syambone. Aŵalanje 2 Mbili 16:9a, kaneko akambilane chiwusyo achi:

• Ana akupikana wuli mumtima kumanyilila kuti Yehofa akusalolaga ndamo syetu syambone?

YALIJIGANYISYE

Naga akusiŵakululuchila soni kwanonyela abale ni alongo wosope nikuti chachikamuchisya mpingo kuŵa wakamulana

Yiwusyo Yakuwilisya

• Ana mpaka atende yamtuli kuti amalane ni lusagu?

• Ana mpaka atende yamtuli naga alekangene nganisyo ni Mklistu mjawo?

• Ana ligongo chichi akusosekwa kumsyasya Yehofa pangani jakwakululuchila ŵane?

YAKULINGA YINESONI

Alole yampaka alijiganye kutyochela ku chiwanichisyo cha Yesu kuti akalamulaga ŵane.

Mtyosye Kaje Mgomba M’liso Lyenu (6:56)

Patumanyilile kuti tumlemwechesye mjetu, ana tukusosekwa kupepesya?

“Kupepesya Kukusakamuchisya Kuti Paŵe Mtendele” (Sanja ja Mlonda, Nofemba 1, 2002)

Alole yatite ŵane pakulijiganya kwatendela ŵane mwangali lusagu.

Mkajelusyaga Ŵane Pakujigalila Kawoneche Kawo (5:06)

Alole yampaka atende kuti amasye ungakamulana mkaniwuyiche pakusokonasya mtendele mumpingo.

“Amasyeje Kulekangana Nganisyo Mwacinonyelo” (Sanja ja Mlonda, Meyi 2016)