16 Nítorí àwọn ajá yí mi ká;+

Wọ́n ká mi mọ́ bí ìgbà tí àwọn aṣebi bá káni mọ́,+

Wọ́n wà níbi ọwọ́ àti ẹsẹ̀ mi bíi kìnnìún.+

18 Wọ́n pín ẹ̀wù mi láàárín ara wọn,

Wọ́n sì ṣẹ́ kèké nítorí aṣọ mi.+

Ìrísí rẹ̀ kò buyì kún un, kò sì rẹwà rárá;+

Tí a bá sì rí i, ìrísí rẹ̀ kò fà wá sún mọ́ ọn.*

 3 Àwọn èèyàn kórìíra rẹ̀, wọ́n sì yẹra fún un,+

Ọkùnrin tó mọ bí ìrora ṣe ń rí,* tó sì mọ àìsàn dunjú.

 4 Lóòótọ́, òun fúnra rẹ̀ gbé àwọn àìsàn wa,+

Ó sì ru àwọn ìrora wa.+

 5 Wọ́n gún un+ torí àṣìṣe wa;+

Wọ́n tẹ̀ ẹ́ rẹ́ torí àwọn ẹ̀ṣẹ̀ wa.+

Ó jìyà ká lè ní àlàáfíà,+

A sì rí ìwòsàn nítorí àwọn ọgbẹ́ rẹ̀.+

 6 Gbogbo wa ti rìn gbéregbère bí àgùntàn,+

Kálukú ti yíjú sí ọ̀nà tirẹ̀,

Jèhófà sì ti mú kó ru ẹ̀ṣẹ̀ gbogbo wa.+

 7 Wọ́n ni ín lára,+ ó sì jẹ́ kí wọ́n fìyà jẹ òun,+

Àmọ́ kò la ẹnu rẹ̀.

Wọ́n mú un wá bí àgùntàn sí ibi tí wọ́n ti fẹ́ pa á,+

Bí abo àgùntàn tó dákẹ́ níwájú àwọn tó ń rẹ́ irun rẹ̀,

Kò sì la ẹnu rẹ̀.+

 8 Wọ́n mú un lọ torí àìṣẹ̀tọ́* àti ìdájọ́;

Ta ló sì máa da ara rẹ̀ láàmú nípa kúlẹ̀kúlẹ̀ ìran rẹ̀?*

Torí wọ́n mú un kúrò lórí ilẹ̀ alààyè;+

Ó jẹ ìyà* torí ẹ̀ṣẹ̀ àwọn èèyàn mi.+

 9 Wọ́n sin ín* pẹ̀lú àwọn ẹni burúkú+

Àti àwọn ọlọ́rọ̀,* nígbà tó kú,+

Bó tilẹ̀ jẹ́ pé kò ṣe ohunkóhun tí kò dáa,*

Kò sì sí ẹ̀tàn kankan lẹ́nu rẹ̀.+

Tí o bá máa fi ẹ̀mí* rẹ̀ rú ẹbọ ẹ̀bi,+

Ó máa rí ọmọ* rẹ̀, ó máa mú kí àwọn ọjọ́ rẹ̀ gùn,+

Ohun tí inú Jèhófà dùn sí* sì máa yọrí sí rere nípasẹ̀ rẹ̀.+

Nípasẹ̀ ìmọ̀ rẹ̀, ìránṣẹ́ mi+ tó jẹ́ olódodo

Máa mú kí a ka ọ̀pọ̀lọpọ̀ èèyàn sí olódodo,+

Ó sì máa ru àwọn ẹ̀ṣẹ̀ wọn.+

12 Torí ìyẹn, màá fún un ní ìpín láàárín ọ̀pọ̀lọpọ̀,

Ó sì máa pín ẹrù ogun pẹ̀lú àwọn alágbára,

Torí ó tú ẹ̀mí* rẹ̀ jáde, àní títí dé ikú,+

Wọ́n sì kà á mọ́ àwọn ẹlẹ́ṣẹ̀;+

Ó ru ẹ̀ṣẹ̀ ọ̀pọ̀ èèyàn,+

Ó sì bá àwọn ẹlẹ́ṣẹ̀ bẹ̀bẹ̀.+