Àìsáyà

Ẹ máa bá a lọ lọ́dọọdún;

Ẹ máa ṣe àwọn àjọyọ̀+ ní àkókò wọn.

 2 Àmọ́ màá mú ìdààmú bá Áríélì,+

Ó máa ṣọ̀fọ̀, ó máa dárò,+

Ó sì máa dà bí ibi ìdáná pẹpẹ Ọlọ́run fún mi.+

 3 Màá pàgọ́ yí ọ ká,

Màá ṣe ọgbà láti dó tì ọ́,

Màá sì ṣe àwọn ohun tí màá fi gbógun tì ọ́.+

 4 A máa rẹ̀ ọ́ wálẹ̀;

Wàá máa sọ̀rọ̀ láti ilẹ̀,

Iyẹ̀pẹ̀ ò sì ní jẹ́ kí ọ̀rọ̀ rẹ ṣe kedere.

Bí ohùn abẹ́mìílò,

Àwọn ọ̀rọ̀ rẹ á sì máa dún ṣíoṣío látinú iyẹ̀pẹ̀.

 5 Àwọn ọ̀tá* rẹ tó pọ̀ rẹpẹtẹ máa dà bí eruku lẹ́búlẹ́bú,+

Àwọn ìkà tó pọ̀ rẹpẹtẹ sì máa dà bí ìyàngbò* tó ń fẹ́ lọ.+

 6 Jèhófà Ọlọ́run àwọn ọmọ ogun máa fún ọ láfiyèsí

Pẹ̀lú ààrá, ìmìtìtì ilẹ̀ àti ariwo ńlá,

Pẹ̀lú ìjì, atẹ́gùn líle àti ọwọ́ iná tó ń jẹni run.”+

 7 Gbogbo orílẹ̀-èdè tó pọ̀ rẹpẹtẹ tí wọ́n ń gbógun ja Áríélì,+

Gbogbo àwọn tí wọ́n ń gbógun jà á,

Àwọn ilé gogoro tí wọ́n fi dó tì í,

Àti àwọn tó ń kó ìdààmú bá a,

Máa wá dà bí àlá, ìran òru.

 8 Àní, ó máa dà bí ìgbà tí ẹni tí ebi ń pa lá àlá pé òun ń jẹun,

Àmọ́ tó jí, tí ebi ṣì ń pa á*

Àti bí ìgbà tí ẹni tí òùngbẹ ń gbẹ lá àlá pé òun ń mu omi,

Àmọ́ tó jí, tó ti rẹ̀ ẹ́, tí òùngbẹ ṣì ń gbẹ ẹ́.*

Bó ṣe máa rí fún gbogbo orílẹ̀-èdè tó pọ̀ rẹpẹtẹ nìyí,

Àwọn tó gbógun ja Òkè Síónì.+

 9 Kí ẹnu yà yín, kí ẹ sì ṣe kàyéfì;+

Ẹ fọ́ ara yín lójú, kí ẹ sì fọ́jú.+

Wọ́n ti yó, àmọ́ kì í ṣe wáìnì ni wọ́n mu yó;

Wọ́n ń ta gọ̀ọ́gọ̀ọ́, àmọ́ kì í ṣe ọtí ló ń mú kí wọ́n ṣe bẹ́ẹ̀.

10 Torí Jèhófà ti da ẹ̀mí oorun àsùnwọra lù yín;+

Ó ti pa ojú yín dé, ẹ̀yin wòlíì,+

Ó sì ti bo orí yín, ẹ̀yin aríran.+

13 Jèhófà sọ pé: “Àwọn èèyàn yìí ń fi ẹnu wọn sún mọ́ mi,

Wọ́n sì ń fi ètè wọn bọlá fún mi,+

Àmọ́ ọkàn wọn jìnnà gan-an sí mi;

Àṣẹ èèyàn tí wọ́n kọ́ wọn ló sì ń mú kí wọ́n máa bẹ̀rù mi.+

14 Torí náà, èmi ni Ẹni tó tún máa ṣe àwọn ohun àgbàyanu sí àwọn èèyàn yìí,+

Ohun àgbàyanu kan tẹ̀ lé òmíràn;

Ọgbọ́n àwọn ọlọ́gbọ́n wọn máa ṣègbé,

Òye àwọn olóye wọn sì máa fara pa mọ́.”+

Ibi tó ṣókùnkùn ni wọ́n ti ṣe iṣẹ́ wọn,

Tí wọ́n ń sọ pé: “Ta ló rí wa,

Ta ló mọ̀ nípa wa?”+

17 Kò ní pẹ́ rárá tí Lẹ́bánónì fi máa di ọgbà eléso,+

A sì máa ka ọgbà eléso náà sí igbó.+

18 Ní ọjọ́ yẹn, àwọn adití máa gbọ́ ọ̀rọ̀ inú ìwé náà,

Àwọn afọ́jú sì máa ríran látinú ìṣúdùdù àti òkùnkùn.+

19 Àwọn oníwà pẹ̀lẹ́ máa yọ̀ gidigidi nínú Jèhófà,

Àwọn tó sì jẹ́ aláìní láàárín àwọn èèyàn máa yọ̀ nínú Ẹni Mímọ́ Ísírẹ́lì.+

20 Torí pé ìkà èèyàn kò ní sí mọ́,

Òpin máa dé bá afọ́nnu,

Gbogbo àwọn tó sì wà lójúfò láti ṣe ìkà máa pa run,+

21 Àwọn tó ń fi ọ̀rọ̀ èké dá àwọn míì lẹ́bi,

Tí wọ́n ń dẹ pańpẹ́ sílẹ̀ de olùgbèjà* ní ẹnubodè ìlú+

Àti àwọn tó ń jiyàn tí kò lẹ́sẹ̀ nílẹ̀ láti fi ìdájọ́ òdodo du olódodo.+

“Ojú ò ní ti Jékọ́bù mọ́,

Ojú rẹ̀ ò sì ní funfun mọ́.*+

23 Torí tó bá rí àwọn ọmọ rẹ̀,

Tí wọ́n jẹ́ iṣẹ́ ọwọ́ mi, ní àárín rẹ̀,+

Wọ́n máa sọ orúkọ mi di mímọ́;

Àní, wọ́n máa sọ Ẹni Mímọ́ Jékọ́bù di mímọ́,

Wọ́n sì máa bẹ̀rù Ọlọ́run Ísírẹ́lì gidigidi.+

24 Àwọn tó ní èrò tí kò tọ́* máa ní òye,

Àwọn tó ń ráhùn sì máa gba ìtọ́ni.”