Sáàmù

Orin.

98 Ẹ kọ orin tuntun sí Jèhófà,+

Nítorí ó ti ṣe àwọn ohun àgbàyanu.+

Ọwọ́ ọ̀tún rẹ̀, àní apá mímọ́ rẹ̀, ti mú ìgbàlà wá.*+

2 Jèhófà ti jẹ́ kí á mọ ìgbàlà rẹ̀;+

Ó ti mú kí àwọn orílẹ̀-èdè rí òdodo rẹ̀.+

3 Ó rántí ìfẹ́ rẹ̀ tí kì í yẹ̀ àti òtítọ́ rẹ̀ sí ilé Ísírẹ́lì.+

Gbogbo ayé ti rí ìgbàlà* Ọlọ́run wa.+

4 Ẹ kígbe ìṣẹ́gun sí Jèhófà, gbogbo ayé.

Ẹ túra ká, ẹ kígbe ayọ̀, kí ẹ sì kọ orin ìyìn.*+

5 Ẹ fi háàpù kọ orin ìyìn* sí Jèhófà,

Àní háàpù àti orin tó dùn.

6 Pẹ̀lú kàkàkí àti ìró ìwo,+

Ẹ kígbe ìṣẹ́gun níwájú Ọba náà, Jèhófà.

7 Kí òkun àti gbogbo ohun tó wà nínú rẹ̀ dún bí ààrá,

Ayé* àti àwọn tó ń gbé inú rẹ̀.

8 Kí àwọn odò pàtẹ́wọ́;

Kí àwọn òkè kígbe ayọ̀ pa pọ̀+

9 Níwájú Jèhófà, nítorí ó ń bọ̀ wá* ṣe ìdájọ́ ayé.

Yóò fi òdodo ṣe ìdájọ́ ilẹ̀ ayé tí à ń gbé,*+

Yóò sì dá ẹjọ́ àwọn èèyàn lọ́nà tí ó tọ́.+