Àlàyé Ìsàlẹ̀ Ìwé

a Àwọn ọ̀mọ̀wé kan jiyàn pé inú ìwé àpókírífà tí wọ́n pè ní Ìwé Énọ́kù ni Júúdà ti fa ọ̀rọ̀ yìí yọ. Àmọ́, a ò mọ àwọn tó ṣe ìwé àpókírífà, irọ́ pátápátá sì ni pé Énọ́kù fúnra rẹ̀ ló kọ ìwé ọ̀hún. Lóòótọ́, ìwé àpókírífà mẹ́nu ba àsọtẹ́lẹ̀ Énọ́kù lọ́nà tó péye, àmọ́ ó ṣeé ṣe kó jẹ́ pé inú àwọn ìwé ìgbàanì kan tí kò sí mọ́ tàbí àwọn ìtàn àtẹnudẹ́nu ni wọ́n ti mú ọ̀rọ̀ náà. Ó lè jẹ́ pé inú ìwé ìgbàanì yẹn náà ni Júúdà ti rí àsọtẹ́lẹ̀ yẹn, ó sì lè jẹ́ pé ọ̀dọ̀ Jésù ló ti gbọ́ ìtàn Énọ́kù, torí pé Jésù wà lọ́run, ó sì rí gbogbo bí Énọ́kù ṣe gbé ìgbésí ayé rẹ̀.