Bíbélì sọ pé: “Wò ó! Ìránṣẹ́ mi tí mo yàn, àyànfẹ́ mi, ẹni tí mo tẹ́wọ́ gbà! Màá fi ẹ̀mí mi sára rẹ̀, ó sì máa jẹ́ kí ìdájọ́ òdodo ṣe kedere sí àwọn orílẹ̀-èdè. Kò ní jiyàn, kò ní pariwo, ẹnikẹ́ni ò sì ní gbọ́ ohùn rẹ̀ láwọn ọ̀nà tó wà ní gbangba. Kò ní fọ́ esùsú kankan tó ti ṣẹ́, kò sì ní pa òwú àtùpà kankan tó ń jó lọ́úlọ́ú, tí wọ́n fi ọ̀gbọ̀ ṣe, títí ó fi máa ṣe ìdájọ́ òdodo láṣeyọrí. Ní tòótọ́, àwọn orílẹ̀-èdè máa ní ìrètí nínú orúkọ rẹ̀.”—Mátíù 12:18-21; Àìsáyà 42:1-4.

Bákan náà, Jésù sọ̀rọ̀ ìtùnú fáwọn tó dà bí esùsú tó ti ṣẹ́ lọ́nà ìṣàpẹẹrẹ táwọn èèyàn sì ti gbá dà nù. Wọ́n dà bí òwú àtùpà tí wọ́n fi ọ̀gbọ̀ ṣe tó ń jó lọ́úlọ́ú tó sì ti fẹ́rẹ̀ẹ́ kú tán. Jésù ò ṣẹ́ esùsú kankan, kò sì pa àwọn àtùpà tó ń jó lọ́úlọ́ú náà. Dípò bẹ́ẹ̀, ó gba tàwọn onírẹ̀lẹ̀ rò, ó sì fìfẹ́ ràn wọ́n lọ́wọ́. Kò sí àní-àní pé Jésù lẹni táwọn èèyàn lè nírètí nínú rẹ̀!