2:32—Kí ni ‘kíképe orúkọ Jèhófà’ túmọ̀ sí? Kíképe orúkọ Ọlọ́run túmọ̀ sí kéèyàn mọ orúkọ náà, kó bọ̀wọ̀ fún un gan-an, kó wá gbára lé ẹni tó ń jẹ́ orúkọ náà, kó sì tún fọkàn tán an.—Róòmù 10:13, 14.

2:28-32. Kìkì ẹni tó “bá ń ké pe orúkọ Jèhófà ni yóò yè bọ́” ní “ọjọ́ ńlá àti ọjọ́ amúnikún-fún-ẹ̀rù ti Jèhófà.” Ó mà yẹ ká kún fún ọpẹ́ gan-an o, pé Jèhófà tú ẹ̀mí rẹ̀ jáde sára onírúurú èèyàn débi pé tọmọdé tàgbà, tọkùnrin tobìnrin, ń sọ àsọtẹ́lẹ̀, ìyẹn ni pé wọ́n ń polongo “àwọn ohun ọlá ńlá Ọlọ́run”! (Ìṣe 2:11) Bí ọjọ́ Jèhófà ṣe ń sún mọ́lé, ǹjẹ́ kò yẹ ká túbọ̀ jára mọ́ “ìṣe ìwà mímọ́ àti àwọn iṣẹ́ ìfọkànsin Ọlọ́run”?—2 Pétérù 3:10-12.