• “Bí Ó Tilẹ̀ Jẹ́ Pé Ó Kú, Ó Ń Sọ̀rọ̀ Síbẹ̀”
    Tẹ̀ Lé Àpẹẹrẹ Ìgbàgbọ́ Wọn

    • 5. Nígbà tí Jésù sọ pé “ìgbà pípilẹ̀ ayé” ni Ébẹ́lì gbé láyé, kí ni ìyẹn túmọ̀ sí? (Tún wo àlàyé ìsàlẹ̀ ìwé.)

      5 Ìgbà tí wọ́n bí Ébẹ́lì kò jìnnà púpọ̀ sí ìgbà tí Ọlọ́run dá àwọn èèyàn méjì àkọ́kọ́. Jésù sì fi hàn nígbà tó yá, pé “ìgbà pípilẹ̀ ayé” ni Ébẹ́lì gbé láyé. (Ka Lúùkù 11:50, 51.) Ó hàn gbangba pé ayé tí Jésù ń sọ níhìn-ín ni àwọn èèyàn tó nírètí pé àwọn lè rí ìràpadà ẹ̀ṣẹ̀ gbà. Lóòótọ́, Ébẹ́lì ni ẹni kẹrin lára àwọn tó kọ́kọ́ gbé láyé, àmọ́ ó jọ pé òun lẹni àkọ́kọ́ tí Ọlọ́run rí pé ó ṣeé rà pa dà nínú aráyé.a Ìyẹn jẹ́ ká mọ̀ pé kì í ṣe àárín àwọn tó jẹ́ àpẹẹrẹ rere ni Ébẹ́lì dàgbà sí.

  • “Bí Ó Tilẹ̀ Jẹ́ Pé Ó Kú, Ó Ń Sọ̀rọ̀ Síbẹ̀”
    Tẹ̀ Lé Àpẹẹrẹ Ìgbàgbọ́ Wọn

    • a Ní èdè Gíríìkì, ọ̀rọ̀ tí wọ́n tú sí “ìgbà pípilẹ̀ ayé” níhìn-ín jẹ mọ́ fífúnrúgbìn, èyí tó lè túmọ̀ sí mímú irú ọmọ jáde. Ìyẹn fi hàn pé ọ̀rọ̀ náà ń tọ́ka sí àkọ́kọ́ nínú irú ọmọ ẹ̀dá èèyàn. Kí nìdí tó fi wá jẹ́ pé Ébẹ́lì ni Jésù tọ́ka sí nígbà tó ń sọ̀rọ̀ nípa “ìgbà pípilẹ̀ ayé” dípò Kéènì tó jẹ́ ọmọ àkọ́kọ́ tí wọ́n bí láyé? Ìdí ni pé, ìwà Kéènì àti ìpinnu rẹ̀ fi hàn pé ṣe ló mọ̀ọ́mọ̀ ṣọ̀tẹ̀ sí Jèhófà Ọlọ́run. Ọ̀rọ̀ Kéènì wá dà bí ti àwọn òbí rẹ̀, torí kò jọ pé ó wà lára àwọn tó máa ní àjíǹde àti àwọn tó lè rí ìràpadà ẹ̀ṣẹ̀ gbà.