• “Máa Bá A Nìṣó Ní Dídi Ohun Tí Ìwọ Ní Mú Ṣinṣin”
    Ìṣípayá—Ìparí Rẹ̀ Ológo Kù sí Dẹ̀dẹ̀!

    • 10. Ìṣírí wo ni Jésù fún ìjọ tó wà ní Filadẹ́fíà?

      10 Níwọ̀n bí Jésù ti jẹ́ ẹni tó lẹ́tọ̀ọ́ láti pàṣẹ, àwọn ọ̀rọ̀ tó sọ fáwọn Kristẹni tó wà ní Filadẹ́fíà ní láti jẹ́ èyí tí ń tuni nínú lọ́nà àrà ọ̀tọ̀! Ó gbóríyìn fún wọn, ó ní: “Mo mọ àwọn iṣẹ́ rẹ—wò ó! mo ti gbé ilẹ̀kùn ṣíṣísílẹ̀ kalẹ̀ níwájú rẹ, èyí tí ẹnì kankan kò lè tì—pé agbára díẹ̀ ni ìwọ ní, ìwọ sì pa ọ̀rọ̀ mi mọ́, ìwọ kò sì já sí èké sí orúkọ mi.” (Ìṣípayá 3:8) Ìjọ náà kì í ṣàárẹ̀, ilẹ̀kùn kan sì ti wà ní ṣíṣí sílẹ̀ níwájú rẹ̀—kò sí tàbí ṣùgbọ́n, ilẹ̀kùn àǹfààní iṣẹ́ ìsìn ni. (Fi wé 1 Kọ́ríńtì 16:9; 2 Kọ́ríńtì 2:12.) Nítorí náà, Jésù fún ìjọ náà níṣìírí láti lo ẹ̀kún rẹ́rẹ́ àǹfààní náà láti wàásù lọ́nà rere. Wọ́n ti lo ìfaradà, wọ́n sì ti fi hàn pé àwọ́n ní agbára tó pọ̀ tó, àti pé pẹ̀lú ìrànlọ́wọ́ ẹ̀mí Ọlọ́run, àwọn á máa bá a lọ láti ṣe “àwọn iṣẹ́” síwájú sí i nínú iṣẹ́ ìsìn Jèhófà. (2 Kọ́ríńtì 12:10; Sekaráyà 4:6) Wọ́n ti ṣe ohun tí Jésù pa láṣẹ, wọn ò sì tíì sẹ́ Kristi, yálà nípa ọ̀rọ̀ tàbí nípa ìṣe wọn.

  • “Máa Bá A Nìṣó Ní Dídi Ohun Tí Ìwọ Ní Mú Ṣinṣin”
    Ìṣípayá—Ìparí Rẹ̀ Ológo Kù sí Dẹ̀dẹ̀!

    • 14. Báwo ni Aísáyà 49:23 àti Sekaráyà 8:23 ṣe nímùúṣẹ tó fa kíki lóde òní?

      14 Lóde òní, àwọn àsọtẹ́lẹ̀ irú bí Aísáyà 49:23 àti Sekaráyà 8:23 ti nímùúṣẹ tó fa kíki. Torí pé iṣẹ́ ìwàásù tí ẹgbẹ́ Jòhánù ń ṣe ti mú kí ògìdìgbó àwọn èèyàn bá ilẹ̀kùn ṣíṣísílẹ̀ náà wọlé sínú iṣẹ́ ìsìn Ìjọba Ọlọ́run.b Èyí tó pọ̀ jù lára àwọn wọ̀nyí ló jáde wá látinú ìsìn àwọn oníṣọ́ọ̀ṣì tí wọ́n fi èké pera wọn ní Ísírẹ́lì tẹ̀mí. (Fi wé Róòmù 9:6.) Àwọn wọ̀nyí, gẹ́gẹ́ bí ogunlọ́gọ̀ ńlá kan, fọ aṣọ wọn, wọ́n sì sọ ọ́ di funfun nípasẹ̀ lílo ìgbàgbọ́ nínú ẹ̀jẹ̀ ìrúbọ Jésù. (Ìṣípayá 7:9, 10, 14) Wọ́n ń ṣègbọràn sí Kristi tó jẹ́ ọba Ìjọba Ọlọ́run kí wọ́n bàa lè jogún àwọn ìbùkún tó máa mú wá sórí ilẹ̀ ayé. Wọ́n wá sọ́dọ̀ àwọn ẹni àmì òróró arákùnrin Jésù ‘wọ́n sì tẹrí ba’ fún wọn nípa tẹ̀mí, nítorí ‘wọ́n gbọ́ pé Ọlọ́run wà pẹ̀lú wọn.’ Wọ́n ń ṣèránṣẹ́ fáwọn ẹni àmì òróró wọ̀nyẹn, bákan náà, wọ́n wà níṣọ̀kan pẹ̀lú wọn gẹ́gẹ́ bí ẹgbẹ́ ará kárí ayé.—Mátíù 25:34-40; 1 Pétérù 5:9.

  • “Máa Bá A Nìṣó Ní Dídi Ohun Tí Ìwọ Ní Mú Ṣinṣin”
    Ìṣípayá—Ìparí Rẹ̀ Ológo Kù sí Dẹ̀dẹ̀!

    • b Ìwé ìròyìn Ilé Ìṣọ́, tí ẹgbẹ́ Jòhánù ń tẹ̀ jáde ò tíì yé tẹnu mọ́ bó ṣe jẹ́ kánjúkánjú tó pé ká lo àǹfààní yìí láti nípìn-ín débi tí agbára wa bá mọ nínú iṣẹ́ ìwàásù náà; bí àpẹẹrẹ, wo àwọn àpilẹ̀kọ náà “Kí Gbogbo Ènìyàn Máa Kéde Ògo Jèhófà” àti “Ìró Wọn Jáde Lọ sí Gbogbo Ilẹ̀ Ayé” nínú ìtẹ̀jáde January 1, 2004. Nínú ìtẹ̀jáde June 1, 2004, àpilẹ̀kọ náà “Ìbùkún Ni Fún Àwọn Tó Ń Fi Ògo fún Ọlọ́run,” tẹnu mọ́ bá a ṣe lè wọnú iṣẹ́ ìsìn alákòókò kíkún èyí tó túmọ̀ sí wíwọnú “ilẹ̀kùn ṣíṣísílẹ̀” yẹn. Àwọn aṣáájú-ọ̀nà tí iye wọn jẹ́ àádọ́ta ọ̀kẹ́, ẹgbẹ̀rún lọ́nà mẹ́tàléláàádọ́rùn-ún, ọ̀tàlélẹ́ẹ̀ẹ́dẹ́gbẹ̀ta dín mẹ́jọ [1,093,552] ni wọ́n ṣe irú iṣẹ́ ìsìn bẹ́ẹ̀ láàárín oṣù kan lọ́dún 2005.