Ìwé Ìṣípayá 11:3 sọ nípa àwọn ẹlẹ́rìí méjì tí wọ́n á fi ọ̀tàlélẹ́gbẹ̀fà [1,260] ọjọ́ sọ àsọtẹ́lẹ̀. Lẹ́yìn náà ni àkọsílẹ̀ yìí sọ pé ẹranko ẹhànnà náà á “ṣẹ́gun wọn, yóò sì pa wọ́n.” Àmọ́ lẹ́yìn “ọjọ́ mẹ́ta àti ààbọ̀,” a jí àwọn ẹlẹ́rìí méjì náà dìde, èyí sì ya gbogbo àwọn tó ń wò wọ́n lẹ́nu.—Ìṣí. 11:7, 11.

Kí ni ohun tí àwọn ẹsẹ Ìwé Mímọ́ yìí fi jọra? Ẹsẹ Ìwé Mímọ́ kọ̀ọ̀kan sọ nípa àwọn ẹni àmì òróró Ọlọ́run tí wọ́n ń mú ipò iwájú ni àkókò àdánwò tó le gan-an. Nítorí náà, nígbà tí àsọtẹ́lẹ̀ Ìṣípayá orí 11 ń ṣẹ, àwọn ẹni àmì òróró tí wọ́n ń mú ipò iwájú nígbà tí Ìjọba Ọlọ́run fìdí múlẹ̀ lọ́run lọ́dún 1914, wàásù nínú “aṣọ àpò ìdọ̀họ” fún ọdún mẹ́ta àti ààbọ̀.