Kristi, Àwòkọ́ṣe Wa

1. Jèhófà nífẹ̀ẹ́ wa,

Ó ṣoore ńlá fún wa.

Ó fọmọ rẹ̀ ọ̀wọ́n r’aráyé pa dà.

Nígbà tó wá sáyé,

Àpẹẹrẹ rere ni.

Ìwà rẹ̀ gbórúkọ Ọlọ́run ga.

2. Ọ̀rọ̀ Jèhófà yè;

Ó fún Jésù nímọ̀,

Ó sì fún un lóye, ó gbé ẹ̀mí rẹ̀ ró.

Bó ṣe j’ónírẹ̀lẹ̀

Jẹ́ àpẹẹrẹ fún wa.

Ó máa ń wù ú láti ṣèfẹ́ Jèhófà.

3. Bíi ti Jésù Kristi,

Kígbèésí ayé wa

Máa mú ìyìn bá Jèhófà Bàbá wa.

Ká fìwà jọ Jésù

Lójoojúmọ́ ayé,

Ká lè máa rójú rere Jèhófà.