15． 以賽亞書60:5,22嘅話點樣應驗？（另見附欄“耶和華使凡事都可能”；附欄“微弱嘅國要變為强盛”）

¹⁵ 喺耶穌講呢啲比喻之前大約800年，耶和華已經通過以賽亞生動噉預告，現代屬靈收割工作會有幾大嘅規模，所得嘅成果又會帶嚟幾大嘅喜樂。c耶和華指出，從遠方嚟嘅人紛紛加入佢嘅組織。以賽亞書記載咗耶和華對“婦人”所講嘅話。呢個“婦人”象徵今日仲喺地上嘅受膏基督徒。耶和華話：“你睇見，就必喜形於色，心裏又激動又興奮，因為大海嘅財富必運嚟俾你，列國嘅資財亦歸你所有。”（以賽亞書60:1,4,5,9）呢番話講得一啲都冇錯！今日，忠心事奉耶和華多年嘅基督徒，親眼睇到當地嘅傳道員由區區幾個增加到千倍萬倍，又點會唔喜形於色呢！