Colosenses

4 Laatu, ca ni napa esclavu, laguni tratar ca esclavu stitu galán ne cadi gúnitu jma pur tobi que pur stobi. Laguietenalaʼdxiʼ laaca nápatu Xpixuaanatu guibáʼ.

2 Cadi gusaana de guni orartu, ne ora gúnitu ni la? lagataná ne maca cudiitu xquixe peʼ Dios. 3 Ne laguni orar Dios pur laadu ne laguinabaʼ gacanebe laadu guni predicardu stiidxabe ne guinidu secretu sagradu ni cuzeeteʼ de Cristu, purtiʼ pur laani nga deguayuaaʼ.* 4 Ne laguinabaʼ ganda gusiideʼ chaahueʼ ni binni casi naquiiñeʼ guneʼ ni.

5 Lagaca binni nuu xpiaaniʼ ora maʼ nuutu lade ca binni ni cadi naca xpinni Cristu, ne laguni aprovechar tiempu stitu jneza.* 6 Siempre laguiníʼ diidxaʼ ni guiaba binni, ne cásica riaba zidi lu guendaró para gaca nanixe, zacaca laguni né stiidxatu, ti gánnatu ximodo guicábitu cada binni.

7 Yanna cuseendaʼ Tíquico ra nuutu, ti hermanu ni nadxieeʼ ne ni qué rusaana de guniné naa xhiiñaʼ Señor casi ti esclavu, laa gabi laatu ximodo nuaaʼ. 8 Cuseendaʼ laabe ra nuutu para gánnatu ximodo nuaaʼ ne para quixhedxibe ladxidoʼto. 9 Zinebe Onésimo, binni xquídxitu que, hermanu ni nadxieeʼ ne ni qué rusaana de guni xhiiñaʼ Señor. Laacabe gábicabe laatu xi guiráʼ cayaca raríʼ.

10 Cuseendaʼ Aristarco diuxi stitu, ni nuaaniaʼ cárcel, ne laaca cuseendaʼ Marcos xprimu Bernabé diuxi stitu (casi huayabeʼ laatu, pa chebe ra nuutu la? laguidxaagalú laabe galán), 11 ne laguicaa diuxi stiʼ Jesús ni rábicabe Justo. De lade ca judíu la?* ca hermanu riʼ si nga runi apoyar Reinu stiʼ Dios,* ne nabé riguixhedxicaʼ ladxiduáʼ. 12 Laaca cuseendaʼ Epafras diuxi stitu, binni xquídxitu ni naca esclavu stiʼ Cristu Jesús. Siempre runi orarbe pur laatu de guidubi ladxidoʼbe ti ganda gaca fe stitu naguidxi* ne chuʼtu seguru zuni Dios guiráʼ ni maʼ guníʼ. 13 Nannaʼ* rúnibe dxiiñaʼ nadipaʼ para gacanebe laatu ne gacanebe ca ni nuu Laodicea ne ca ni nuu Hierápolis.

14 Laguicaa diuxi cuseendaʼ Lucas, doctor ni nadxiinu, ne diuxi stiʼ Demas. 15 Lagudii diuxi stinneʼ ca hermanu de Laodicea, ne hermana Ninfa ne congregación ni raca reunir ra lídxibe. 16 Ne ora maʼ biuundaʼ carta riʼ ra nuutu la? laguseendaʼ ni ra nuu congregación de Laodicea ti guiuundaʼ ni ra nuucaʼ, ne laguinabaʼ laacaʼ carta ni biseendaʼ ra nuucaʼ para guiuundaʼ ni ra nuutu. 17 Ne lagabi Arquipo: «Bicaa ique guni cumplirluʼ dxiiñaʼ stiʼ Señor ni gucuaaluʼ».

18 Naa, Pablo, raríʼ maʼ naa piaʼ cucaaʼ diuxi para laatu. Laguietenalaʼdxiʼ deguayuaaʼ.* Gaca Dios nachaʼhuiʼ né laatu.*