CANI RINABADIIDXAʼ BINNI DE BIBLIA

Ñee huanabadiidxaluʼ pa nabáninu para si quítenu, gúninu dxiiñaʼ, guichagananu, gápanu xiiñinu ne guióxhonu la? (Job 14:1, 2.) Ora guidúʼndanu Biblia, rizíʼdinu dede binni nuu xpiaaniʼ huanabadiidxaʼ zacá. (Biindaʼ Eclesiastés 2:11.)

Para gánnanu xiñee nabáninu la? caquiiñeʼ gánnanu primeru ximodo bizulú bibani binni lu Guidxilayú. Stale binni despué de guni estudiar modo guyáʼ cerebru stinu ne xcuérpunu, maʼ bidiicaʼ cuenta nuu tobi guizáʼ nuu xpiaaniʼ bizáʼ laanu. (Biindaʼ Salmo 139:14.) Pa zacá ni la? nuu xi pur bizaʼbe laanu. Ra gánnanu xiñee nabáninu zacaneni laanu guibáninu jma galán.

Dxi bizáʼ Dios primé hombre ne primé gunaa, bidiibe laacaʼ ti dxiiñaʼ nabé risaca. Ni gucalaʼdxiʼ Dios nga nuchácabe Guidxilayú riʼ de xiiñicabe, ñúnicabe ni ti paraísu ne nibánicabe sin ñáticabe. (Biindaʼ Génesis 1:28, 31.)

Qué nuchaa Dios ni gudixhe ique guni dxi bicheené ca binni que laa, ninca qué niníʼ ique maʼ gastiʼ zanda guni pur laacabe. Biblia na dede dxiqué cayuni Dios dxiiñaʼ para gulá ca xpinni ne para gaca ni na lu Guidxilayú riʼ. Laaca racalaʼdxiʼ Dios chuʼluʼ lade ca binni ni guibani sin gatiʼ casi gucalaʼdxiʼ ñácani dxiqué. (Biindaʼ Salmo 37:29.) Biblia rabi laanu ni caquiiñeʼ gúninu para guibáninu casi racalaʼdxiʼ Dios.