13. Paraa ndiʼ naquiiñeʼ gápanu ca cosa risaca stinu casi modo guníʼ Jesús ni.

¹³ Jesús bidii conseju riʼ: «Cadi guyubi tu gapa tu stale ni risaca ndaani guidxilayú riʼ, purti zanda go bandaa ni ne icá tini ni ne chuʼ gubaana cuana ni. Sínuque laguyubi gapa tu ni risaca ibáʼ purti ngue qué zo bandaa laa ne qué zacá tini ne qué ziuu gubaana cuana laa. Purti ra nuu ni risaca para laatu la? raqueca nuu ladxidóʼ to» (Mat. 6:19-21).

15. Xi nga ni jma naquiiñeʼ gucáʼ íquenu guyúbinu.

¹⁵ Caadxi xaíque yuʼduʼ riniʼcaʼ cadi jneza guicá ique binni cueendú ni galán ne guni stipa para ugaanda ni. Peru cadi nga diʼ nga ni bisiidiʼ Jesús. Laabe gúdxibe ca discípulo stibe gúnicaʼ jma stipa para gápacaʼ stale cosa «ni risaca ibáʼ», purtiʼ racá qué zanitilú cani. Ni jma racaláʼdxinu nga cueendunu ni galán nezalú Jiobá. Ca diidxaʼ ni guníʼ Jesús riʼ rusietenaláʼdxicani laanu zanda cuinu xi racaláʼdxinu ugaandanu. Peru ca cosa ni jma risaca nuu ndaaniʼ ladxidoʼno nga cani jma zucáʼ íquenu guyúbinu.

16. Xi conseju bidii Jesús naquiiñeʼ chinándanu.

¹⁶ Pa de guidubi ladxidoʼno racaláʼdxinu gusiéchenu Jiobá la? naquiiñeʼ gánnanu zudiibe guiráʼ ni caquiiñenu. Zándaca zudiibe lugar tiidinu xiixa guendanagana cásica ni gudiʼdiʼ apóstol Pablu dxi qué ñapa ni ñó ne ni ñéʼ (1 Cor. 4:11). Peru zanda guni crenu ni na conseju bidii Jesús riʼ: «Cadi chuʼ tu xizaa ne cadi na tu: “Xi idóʼ no, o xi idéʼ nu, o xi gacu nu yaʼ”. Purti nga nga ni ruyubi ca binni ni qué runibiáʼ Dios, peru ma nanna Bixhoze tu ni nuu ibáʼ xi irá cayaadxa laatu. Peru nirudó laguyubi [reinu stiʼ Dios ne gúnitu ni jneza ni rinabaʼ Dios laatu, TNM], ne óraque zudii laatu cani riuu tu xizaa pur laa» (Mat. 6:31-33).