7, 8. Xiñee zanabaʼ Jiobá cuenta binni pur ni guiníʼ.

⁷ Guionna razón nuu para gucueeza binni ruaa nga purtiʼ zanabaʼ Jiobá cuenta binni pur ni guiníʼ. Pa guininu diidxaʼ ni cadi jneza cadi zuxheleʼ si ni laanu de binni, sínuque laaca zuxheleʼ ni laanu de Dios. Zacá cuzeeteʼ Santiago 1:26 ni: «Pa nuu tobi de laatu zácaxa runi ni na Dios, peru qué rucueeza ruaa de iníʼ ni cadi jneza la? caguite laca laa, purti cadi dxandí cayuni ni na Dios».a Casi bizíʼdinu lu capítulo 11 que, cadi jneza guiníʼ íquenu gadxé nga modo runi adorarnu Jiobá ne gadxé nga modo iquiiñenu ca diidxaʼ stinu. Pa qué gucueezanu ruaanu ne guininu diidxaʼ ni guniná binni qué zasaca guiráʼ dxiiñaʼ ni gúninu nezalú Dios. Nga naquiiñeʼ gucaa laanu guiníʼ íquenu ximodo riquiiñenu ca diidxaʼ stinu (Santiago 3:8-10).