De Dios nga reeda guendarannaxhii

1. Cani bizáʼ Dios ne Stiidxaʼ

rusihuinni rannaxhii,

ne tu guni casi laabe

zusihuinni rannaxhii.

Gannaxhiinu nga ti neza

ni gudixhe Dios Jiobá,

ne cani guzuubaʼ diidxaʼ

nin qué ziuu dxi gáticaʼ.

2. Neca udieeʼ guiráʼ ni napaʼ

qué zasaca iráʼ cani

pa qué gannaxhieeʼ sti binni,

qué zusiecheʼ Dios, Jiobá.

Pa dxandíʼ nadxiinu tuuxa

qué zadxiichinenu laa,

zacanenu laa ora tiisi,

ne zacapeʼ zácani.

3. Cadi liica gapuʼ xiana;

qué chuʼ dxi guʼnuʼ zacá,

gunnaxhii, biyubi Diuxi

ne yenanda ejemplu stiʼ.

Gunnaxhii de ladxidoʼloʼ

cásipeʼ riuulaʼdxiʼ Dios,

pa nadxiiluʼ Dios ne binni

stale ni zudiibe lii.