Jobe

 2 “Ngempela ngiyazi ukuthi kunjalo.

Kodwa umuntu ofayo angaba kanjani ongenaphutha odabeni noNkulunkulu?+

 3 Uma kungenzeka akujabulele ukuphikisana naye,+

Ngeke amphendula nakanye enkulungwaneni.

 4 Unenhliziyo ehlakaniphile futhi uqinile ngamandla.+

Ubani ongaba nenkani kuye futhi asale engenamyocu?+

 5 Uzigudlulela kude+ izintaba, abantu bangazi nakwazi ngazo,

Lowo ozigumbuqele ngentukuthelo yakhe.+

 6 Wenza umhlaba uzamazame endaweni yawo,

Kangangokuba zona kanye izinsika+ zawo ziyaqhaqhazela.

 7 Uthi elangeni malingaphumi,

Futhi ubeka uphawu luzungeze izinkanyezi,+

 8 Welula amazulu ngokwakhe+

Anyathele phezu kwamagagasi aphakeme olwandle;+

 9 Wenza umlaza i-Ashi, umlaza iKhesili,

Nomlaza iKhima+ namakamelo angaphakathi eNingizimu;

10 Wenza izinto ezinkulu ezingaphenyeki,+

Nezinto ezimangalisayo ezingenasibalo.+

11 Bheka! Udlula ngakimi kodwa angimboni,

Uyaqhubeka kodwa angimqapheli.+

12 Bheka! Uyahlwitha. Ubani ongamelana naye?

Ubani oyothi kuye, ‘Wenzani?’+

13 UNkulunkulu ngokwakhe ngeke alunqande ulaka lwakhe;+

Abasizi bomhlaseli+ kumelwe bakhothame ngaphansi kwakhe.

14 Kakhulu kangakanani uma kwenzeka mina ngimphendula!

Ngiyowakhetha amazwi ami kuye,+

15 Lowo ebengingeke ngimphendule, ngisho noma bengingenaphutha ngempela.+

Bengiyonxusa umusa walowo omelene nami emthethweni.+

16 Uma bengimbizile, ingabe ubeyongiphendula?+

Angikholwa ukuthi ubeyobeka indlebe ezwini lami;

17 Ongilimaza ngesivunguvungu

Futhi ngokuqinisekile enze amanxeba ami abe maningi ngaphandle kwesizathu.+

18 Ngeke angivumele ukuba ngiphefumule umoya omusha,+

Ngoba ulokhu engigxisha ngezinto ezibabayo.

19 Uma kunomuntu oqinile ngamandla, nguyena-ke lowo;+

Futhi uma kunomuntu onamandla ngobulungisa, kwangathi ngingabizwa!

20 Ukube bengingongenaphutha, umlomo wami siqu ubuyothi ngimubi;

Ukube bengingongasoleki, khona-ke ubeyothi ngiyisigwegwe.

21 Ukube bengingongasoleki, bengingeke ngiwazi umphefumulo wami;

Bengizokwenqaba ukuphila kwami.

22 Kunento eyodwa nje kuphela. Yingakho ngithi,

‘Ongasoleki, nomubi, uyabaqeda.’+

23 Uma isikhukhula esikhulu esisheshayo singabangela ukufa ngokuzumayo,

Khona kanye ukuphelelwa ithemba kwabamsulwa ubeyokuhleka.

24 Umhlaba ngokwawo unikelwé esandleni somubi;+

Uyabumboza ubuso babahluleli bawo.

Uma kungenjalo, khona-ke, ngubani?

25 Izinsuku zami nazo zisheshé kakhulu kunomgijimi;+

Zibalekile, ngokuqinisekile ngeke zikubone okuhle.

26 Zihambé njengezikebhe zomhlanga,

Njengokhozi olutshuza luye phambili nasemuva ukuze luthole okudliwayo.+

27 Ukube bengithé, ‘Mangikhohlwe ukukhathazeka kwami,+

Mangiguqule ubuso bami+ ngincibilike’

28 Ngizesabile zonke izinhlungu zami;+

Ngiyazi ukuthi ngeke ungibheke njengomsulwa.

29 Mina ngokwami kumelwe ngibe mubi.

Kungani ngikhandlekela ize nje?+

30 Ukube empeleni bengigezé emanzini eqhwa,

Futhi empeleni ngahlamba izandla zami kusoda wokuwasha,+

31 Khona-ke ubuyongicwilisa emgodini,

Futhi ngokuqinisekile izingubo zami beziyonengwa yimi.

32 Ngoba akayena umuntu+ njengami ukuba ngimphendule,

Ukuba sihlangane ndawonye ekwahluleleni.

33 Akukho muntu wokunquma phakathi kwethu,+

Ukuba abeke isandla sakhe phezu kwethu sobabili.

34 Makasuse induku yakhe phezu kwami,+

Futhi ukwethusa kwakhe, makungangesabisi kakhulu.

35 Mangikhulume ngingamesabi,

Ngoba anginakho ukuthambekela okunjalo kimi.