AmaHubo

5 O Jehova, beka indlebe emazwini ami;+

Qonda ukububula kwami.

 2 Naka umsindo wokukhalela kwami usizo,+

Nkosi yami+ noNkulunkulu wami, ngoba ngithandaza kuwe.+

 3 O Jehova, ekuseni uyolizwa izwi lami;+

Ekuseni ngiyozibika kuwe futhi ngilinde.+

 4 Ngoba awuyena uNkulunkulu ojabula ngobubi;+

Akekho noyedwa omubi ongahlala nawe nganoma yisiphi isikhathi.+

 5 Akukho bantu abaziqhayisayo abangama phambi kwamehlo akho.+

Uyabazonda bonke abakwenza umkhuba okulimazayo;+

 6 Uyobabhubhisa abakhuluma amanga.+

UJehova uyanengwa ngumuntu ochitha igazi+ nonenkohliso.+

 7 Kepha mina, ngokuchichima komusa wakho wothando+

Ngizongena endlini yakho,+

Ngizokhothama phansi ngasethempelini lakho elingcwele ngokukwesaba.+

 8 O Jehova, ngihole ngokulunga kwakho+ ngenxa yezitha zami;+

Hlelemba indlela yakho phambi kwami.+

 9 Ngoba akukho lutho oluthembekile emlonyeni wazo;+

Izibilini zazo zingokubi impela.+

Umphimbo wazo uyingcwaba elivulekile;+

Zisebenzisa ulimi olubushelelezi.+

10 Ngokuqinisekile uNkulunkulu uyozibheka njengezinecala;+

Ziyokuwa ngenxa yezeluleko zazo.+

Ngobuningi bezeqo zazo mazihlakazwe,+

Ngoba zidlubulundile kuwe.+

11 Kodwa bonke abaphephela kuwe bayojabula;+

Bayokhamuluka ngenjabulo kuze kube nini nanini.+

Uyovimba ukuba kungasondelwa kubo,

Futhi labo abathanda igama lakho bayokwethaba ngawe.+

12 Ngoba wena, Jehova, uyobusisa noma ngubani olungile;+

Uyobaphahla ngokwamukeleka,+ njengokungathi ngesihlangu esikhulu.+