AmaHubo

84 Yeka ukuthi lithandeka kanjani itabernakele lakho elikhulu,+

Jehova wamabutho!+

 2 Umphefumulo wami ulangazelele amagceke kaJehova futhi usuphelile ukuwalubela.+

Inhliziyo yami ngisho nenyama yami kukhamuluka ngenjabulo kuNkulunkulu ophilayo.+

 3 Ngisho nenyoni ngokwayo itholé indlu,

Nenkonjane izitholele isidleke,

Lapho ibeké khona amaphuphu ayo—

I-altare lakho elikhulu, Jehova wamabutho, Nkosi yami noNkulunkulu wami!

 4 Bayajabula abahlala endlini yakho!+

Basaqhubeka bekudumisa.+ Sela.

 5 Bayajabula abantu abazikhwepha zabo zikuwe,+

Enhliziyweni yabo okukhona izindlela ezibanzi.+

 6 Lapho bedlula ethafeni eliphansi lehlathi lamabhakha,+

Baliphendula libe isiphethu;

Impela ofundisayo+ uzisonga ngezibusiso.

 7 Bayoqhubeka behamba belokhu beba namandla;+

Yilowo nalowo ubonakala kuNkulunkulu eZiyoni.+

 8 O Jehova Nkulunkulu wamabutho, yizwa umthandazo wami;+

Nkulunkulu kaJakobe, beka indlebe.+ Sela.

 9 O sihlangu sethu, bheka, Nkulunkulu,+

Ubone ubuso bogcotshiweyo wakho.+

10 Ngoba usuku emagcekeni akho lungcono kuneziyinkulungwane kwenye indawo.+

Ngikhethé ukuma embundwini endlini kaNkulunkulu wami+

Kunokuzulazula ematendeni obubi.+

11 Ngoba uJehova uNkulunkulu uyilanga+ nesihlangu;+

Unika umusa nenkazimulo.+

UJehova akayikubagodlela okuhle labo abahamba ngokungenaphutha.+