• IHubo 53:Umbhalo ongenhla-6
    IBhayibheli ImiBhalo Engcwele

    • Kumqondisi; ngendlela yokucula iMahalati.* Imaskili.* ElikaDavide.

      53 Isiwula* sithi enhliziyweni yaso:

      “Akekho uJehova.” +

      Izenzo ezingalungile zabantu abayiziwula zonakele futhi ziyenyanyeka;

      Akekho owenza okuhle. +

       2 Kodwa uNkulunkulu ubheka phansi kubantwana babantu esezulwini +

      Ukuze abone ukuthi ukhona yini onokuqonda, ukuthi ukhona yini ofuna uJehova. +

       3 Bonke baphambukile;

      Bonke bonakele ngokufanayo.

      Akekho owenza okuhle,

      Akekho ngisho noyedwa. +

       4 Akekho yini kwabenza okubi oqondayo?

      Bashwabadela abantu bami njengokungathi badla isinkwa.

      Abambizi uJehova. +

       5 Kodwa bayokwesaba kakhulu,

      Bayokwesaba ngendlela abangakaze besabe ngayo ngaphambili,*

      Ngoba uNkulunkulu uyowahlakaza amathambo alabo abahlasela u-Israyeli.*

      U-Israyeli uyobahlaza ngoba uJehova ubalile.

       6 O kwangathi insindiso ka-Israyeli ingavela eZiyoni! +

      Lapho uJehova eqoqa abantu bakhe abathunjiwe ebabuyisa,

      Makajabule uJakobe, makathokoze u-Israyeli.