Joshuwa

21 Izinhloko zemindeni yoyise zamaLevi zaya ku-Eleyazare + umpristi, uJoshuwa indodana kaNuni nasezinhlokweni zemindeni yoyise yezizwe zakwa-Israyeli, 2 zakhuluma nabo eShilo + ezweni laseKhanani, zathi: “UJehova wayala uMose ukuba sinikwe amadolobha esizohlala kuwo kanye namadlelo awo azoba awemfuyo yethu.” + 3 Ngakho ngokuvumelana nomyalo kaJehova, ama-Israyeli anika amaLevi amadolobha + namadlelo awo ewathatha efeni lawo. +

4 Saphuma isabelo semindeni yamaKohati, + amaLevi ayeyinzalo ka-Aroni umpristi abelwa* amadolobha angu-13 esizweni sakwaJuda, + esizweni sakwaSimeyoni + nasesizweni sakwaBhenjamini. +

5 Wonke amanye amaKohati abelwa* amadolobha ayishumi emindenini yesizwe sakwa-Efrayimi, + esizweni sakwaDani nakuhhafu wesizwe sakwaManase. +

6 AbakwaGereshoni + babelwa amadolobha angu-13 emindenini yesizwe sakwa-Isakare, esizweni sakwa-Asheri, esizweni sakwaNafetali nakuhhafu wesizwe sakwaManase eBhashani. +

7 AbakwaMerari + ngokwemindeni yabo babelwa amadolobha angu-12 esizweni sakwaRubeni, esizweni sakwaGadi nasesizweni sakwaZebhuloni. +

8 Ngakho ama-Israyeli anika amaLevi la madolobha namadlelo awo ngenkatho, njengoba nje uJehova ayeyalile ngoMose. +

9 Yilawa amagama amadolobha okwanikelwa ngawo ethathwa esizweni sakwaJuda nasesizweni sakwaSimeyoni, + 10 anikezwa amadodana ka-Aroni ozalo lukaKohati angamaLevi, ngoba athola isabelo sokuqala. 11 Anikwa iKiriyati-ariba + (u-Ariba wayenguyise ka-Anaki), okungukuthi iHebroni, + elisezintabeni zakwaJuda namadlelo alo. 12 Kodwa uKalebi indodana kaJefune wanikwa insimu yedolobha nemizi engaphansi kwalo kwaba yifa lakhe. +

13 Amadodana ka-Aroni umpristi anikwa idolobha lokuphephela umbulali, + okungukuthi iHebroni, + kanye namadlelo alo, iLibhina + namadlelo alo, 14 iJatiri + namadlelo alo, i-Eshitemowa + namadlelo alo, 15 iHoloni + namadlelo alo, iDebhiri + namadlelo alo, 16 i-Ayini + namadlelo alo, iJutha + namadlelo alo neBheti-shemeshi namadlelo alo—amadolobha angu-9 avela kulezi zizwe ezimbili.

17 Esizweni sakwaBhenjamini: iGibheyoni + namadlelo alo, iGeba namadlelo alo, + 18 i-Anathoti + namadlelo alo ne-Alimoni namadlelo alo—amadolobha amane.

19 Esewonke amadolobha anikwa inzalo ka-Aroni, abapristi, kwakungamadolobha angu-13 namadlelo awo. +

20 Yonke eminye imindeni yozalo lukaKohati, amaLevi, yabelwa amadolobha esizweni sakwa-Efrayimi. 21 Yanikwa idolobha lokuphephela umbulali, + okungukuthi iShekemi + namadlelo alo ezintabeni zakwa-Efrayimi, iGezeri + namadlelo alo, 22 iKibhizayimi namadlelo alo neBheti-horoni + namadlelo alo—amadolobha amane.

23 Esizweni sakwaDani: i-Eliteke namadlelo alo, iGibhethoni namadlelo alo, 24 i-Ajaloni + namadlelo alo neGati-rimoni namadlelo alo—amadolobha amane.

25 Kuhhafu wesizwe sakwaManase: iThahanaki + namadlelo alo neGati-rimoni namadlelo alo—amadolobha amabili.

26 Esewonke amadolobha kanye namadlelo awo atholwa yiyo yonke eminye imindeni kaKohati ayeyishumi.

27 AbakwaGereshoni + bemindeni yamaLevi bathola kuhhafu wesizwe sakwaManase idolobha lokuphephela umbulali, okungukuthi iGolani, + eBhashani, namadlelo alo neBheyeshitera namadlelo alo—amadolobha amabili.

28 Esizweni sakwa-Isakare: + iKishiyoni namadlelo alo, iDaberati + namadlelo alo, 29 iJarimuthi namadlelo alo ne-Eni-ganimi namadlelo alo—amadolobha amane.

30 Esizweni sakwa-Asheri: + iMishali namadlelo alo, i-Abhidoni namadlelo alo, 31 iHelikati + namadlelo alo neRehobe + namadlelo alo—amadolobha amane.

32 Esizweni sakwaNafetali: idolobha lokuphephela + umbulali, okungukuthi iKedeshi + eGalile, namadlelo alo, iHamoti-dori namadlelo alo neKaritani namadlelo alo—amadolobha amathathu.

33 Esewonke amadolobha amaGereshoni ngokwemindeni yawo kwakungamadolobha angu-13 namadlelo awo.

34 Esizweni sakwaZebhuloni, + imindeni yakwaMerari, + okungukuthi wonke amanye amaLevi, yathola iJokineyamu + namadlelo alo, iKarita namadlelo alo, 35 iDimina namadlelo alo neNahalali + namadlelo alo—amadolobha amane.

36 Esizweni sakwaRubeni: iBhezeri + namadlelo alo, iJahazi namadlelo alo, + 37 iKedemoti namadlelo alo neMefahati namadlelo alo—amadolobha amane.

38 Esizweni sakwaGadi: + idolobha lokuphephela umbulali, okungukuthi iRamoti eGileyadi + namadlelo alo, iMahanayimi + namadlelo alo, 39 iHeshibhoni + namadlelo alo neJazeri + namadlelo alo—amadolobha amane esewonke.

40 Esewonke amadolobha abelwa abakwaMerari ngokwemindeni yabo, yonke eminye imindeni yamaLevi, kwakungamadolobha angu-12.

41 Esewonke amadolobha amaLevi phakathi kwefa lama-Israyeli kwakungamadolobha angu-48 kanye namadlelo awo. + 42 Ngalinye kula madolobha lalinamadlelo nhlangothi zonke—kwakunjalo kuwo wonke la madolobha.

43 Ngakho uJehova wawanika ama-Israyeli lonke izwe ayefunge ukuthi uzolinika okhokho bawo, + alithatha ahlala kulo. + 44 Ngaphezu kwalokho, uJehova wawanika ukuphumula nhlangothi zonke, njengoba nje ayefungile kokhokho bawo, + asikho nesisodwa kuzo zonke izitha zawo esasikwazi ukumelana nawo. + UJehova wanikela zonke izitha zawo esandleni sawo. + 45 Asikho nesisodwa isithembiso* esingagcwalisekanga kuzo zonke izithembiso ezinhle uJehova ayezenzile endlini ka-Israyeli; zagcwaliseka zonke. +