UHoseya

11 “Lapho u-Israyeli esengumfana, ngamthanda, +

Ngayibiza indodana yami ukuba iphume eGibhithe. +

 2 Lapho beqhubeka* bebabiza

Kwakuba yilapho beqhela nakakhulu kubo. +

Babelokhu benzela izithombe zikaBhali imihlatshelo, +

Benikela imihlatshelo ezithombeni ezibaziwe. +

 3 Kodwa yimi owacathulisa u-Efrayimi, + ngimbeka ezingalweni zami; +

Akazange avume ukuthi ngamphulukisa.

 4 Uthando nomusa + ngakusebenzisa njengentambo* ukuze ngimdonsele kimi;

Nganginjengomuntu osusa ijoka emihlathini yakhe,

Ngobumnene ngaletha ukudla kumuntu ngamunye.

 5 Ngeke abuyele ezweni laseGibhithe, kodwa i-Asiriya liyoba inkosi yakhe, +

Ngoba benqabile ukubuyela kimi. +

 6 Inkemba iyophenduphenduka imelane namadolobha akhe +

Iphule imigoqo yakhe iyishwabadele ngenxa yamacebo akhe. +

Inhliziyo yami isishintshile;

Ngesikhathi esifanayo uzwela lwami luvusiwe. *+

Ngeke ngiphinde ngimbhubhise u-Efrayimi, +

Ngoba nginguNkulunkulu angiyena umuntu,

ONgcwele phakathi kwakho;

Ngeke ngimelane nawe ngolaka.

10 Bayolandela uJehova, uyobhonga njengebhubesi; +

Lapho ebhonga, amadodana akhe ayofika ethuthumela evela entshonalanga. +

11 Bayothuthumela njengenyoni lapho bephuma eGibhithe,

Njengejuba lapho bephuma ezweni lase-Asiriya; +

Ngiyobahlalisa ezindlini zabo,” kusho uJehova. +

12 “U-Efrayimi ungizungeze ngamanga,

Nendlu ka-Israyeli ingizungeze ngenkohliso. +

Kodwa uJuda usazulazula* noNkulunkulu,

Uthembekile koNgcwelengcwele.” +