UHoseya

13 “Lapho u-Efrayimi ekhuluma, abantu babethuthumela;

Wayevelele kwa-Israyeli. +

 2 Manje bayanezela esonweni sabo

Benza izithombe zensimbi* ngesiliva labo; +

Benza izithixo ngobuchule, wonke umsebenzi wezingcweti.

 3 Ngakho-ke bayoba njengamafu asekuseni,

Njengamazolo aphela ekuseni,

Njengamakhoba apheshulwa umoya onamandla esibuyeni,

Nanjengentuthu ephuma embotsheni yophahla.

 4 Kodwa mina nginguJehova uNkulunkulu wakho kusukela ezweni laseGibhithe; +

Akukho Nkulunkulu owawumazi ngaphandle kwami,

Ngaphandle kwami akukho msindisi. +

 6 Amadlelo abo ayebanelisa, +

Baneliseka futhi inhliziyo yabo yaqhosha.

 7 Ngizoba njengebhubesi eliselincane kubo, +

Njengengwe ecuthe endleleni.

 8 Ngizobathelekela njengebhere elilahlekelwe amawundlu alo,

Ngizodabula isifuba sabo sivuleke.

Ngizobashwabadela lapho njengebhubesi;

Isilwane sasendle sizobadwengula babe izicucu.

 9 Sizokuqothula Israyeli,

Ngoba wangijikela, wamelana nomsizi wakho.

10 Iphi-ke inkosi yakho, ukuze ikusindise kuwo wonke amadolobha akho, +

Nababusi* bakho, owathi ngabo kimi,

‘Nginike inkosi nezikhulu’? +

11 Ngakunika inkosi ngentukuthelo yami, +

Futhi ngizoyisusa ngokufutheka kwami. +

12 Isiphambeko sika-Efrayimi sisongiwe;

Isono sakhe sigciniwe.

Kodwa uyingane engahlakaniphile;

Lapho sekuyisikhathi sokuba izalwe ayifuni ukuphuma.

14 Ngizobakhulula emandleni eThuna;*

Ngizobabuyisa ekufeni. +

15 Ngisho noma angachuma phakathi kwemihlanga,

Kuyofika umoya wasempumalanga, umoya kaJehova,

Uvela ehlane ukuze womise umthombo wakhe ushise nesiphethu sakhe.

Liyowa ngenkemba, +

Abantwana balo bayophihlizwa babe izicucu,

Nabesifazane balo abakhulelwe bayoqhaqhwa bavuleke.”