AmaHubo

36 Isiphambeko sikhuluma nomubi ekujuleni kwenhliziyo yakhe;

Akamesabi uNkulunkulu. +

 2 Imicabango yakhe iyamkhohlisa

Kangangokuthi akasiboni futhi akasizondi isiphambeko sakhe. +

 3 Amazwi omlomo wakhe ayalimaza futhi ayakhohlisa;

Akaqondi ukuthi angakwenza kanjani okuhle.

Usendleleni engalungile;

Akakwenqabi okubi.

 5 O Jehova, uthando lwakho oluqotho lufinyelela emazulwini, +

Ukwethembeka kwakho kufinyelela emafwini.

 6 Ukulunga kwakho kunjengezintaba eziphakeme; *+

Izahlulelo zakho zinjengamanzi amaningi ajulile. +

 8 Baphuza bazanelise ngensada yendlu* yakho, +

Ubenza baphuze emfuleni wenjabulo yakho. +

 9 Ungumthombo wokuphila; +

Ngokukhanya kwakho siyakwazi ukubona ukukhanya. +

10 Qhubeka ubonisa uthando lwakho oluqotho kulabo abakwaziyo, +

Nokulunga kwakho, kulabo abaqotho enhliziyweni. +

11 Ungaluvumeli unyawo lwabaqhoshayo lunginyathele

Noma isandla sabantu ababi ukuba singixoshe.

12 Abenzi bokubi bawile;

Bawiswe phansi, abakwazi ukuvuka. +