UJeremiya

45 Leli yizwi uJeremiya umprofethi alikhuluma kuBharuki + indodana kaNeriya lapho ebhala encwadini la mazwi ayewatshelwa uJeremiya + ngonyaka wesine kaJehoyakimi + indodana kaJosiya, inkosi yakwaJuda:

2 “Yilokhu uJehova uNkulunkulu ka-Israyeli akushoyo kuwe Bharuki, 3 ‘Wena uthe: “Maye kimi, ngoba uJehova unezele usizi ebuhlungwini bami! Ngikhathele ukukhala, angikutholi ukuphumula.” ’

4 “Kufanele uthi kuye, ‘Yilokhu uJehova akushoyo: “Bheka! Engikwakhile ngiyakubhidliza, engikutshalile ngiyakusiphula—kulo lonke izwe. + 5 Kodwa wena uzifunela* izinto ezinkulu. Yeka ukuzifuna.” ’

“ ‘Ngoba ngizoletha inhlekelele kubo bonke abantu,’ + kusho uJehova, ‘nomaphi lapho ungase uye khona ngiyolondoloza ukuphila kwakho.’ ” *+