Ihubo likaDavide.
24 Umhlaba nakho konke okukuwo kungokukaJehova, +
Izwe elikhiqizayo nalabo abahlala kulo.
2 Ngoba uwumise waqina phezu kwezilwandle, +
Wawumisa waqina phezu kwemifula.
3 Ngubani ongakhuphukela entabeni kaJehova, +
Ngubani ongama endaweni yakhe engcwele?
4 Yinoma ngubani onezandla ezingenacala nenhliziyo emsulwa, +
Ongazange afunge amanga ngokuphila kwami,
Nongazange afunge ngenkohliso. +
5 Uyothola izibusiso ezivela kuJehova +
Nokulunga okuvela kuNkulunkulu wakhe wensindiso. +
6 Lesi yisizukulwane salabo abamfunayo,
Salabo abafuna ubuso bakho, Nkulunkulu kaJakobe. (Sela)
7 Phakamani, nina masango; +
Nivuleke, nina minyango yasendulo,
Ukuze iNkosi ekhazimulayo ingene! +
8 Ingubani le Nkosi ekhazimulayo?
InguJehova onamandla noyiqhawe, +
UJehova oyiqhawe lempi. +
9 Phakamani, nina masango; +
Nivuleke, nina minyango yasendulo,
Ukuze iNkosi ekhazimulayo ingene!
10 Ngubani le Nkosi ekhazimulayo?
NguJehova wamabutho—nguye oyiNkosi ekhazimulayo. + (Sela)