AmaHubo

9 O Jehova, ngizokudumisa ngayo yonke inhliziyo yami;

Ngizokhuluma ngayo yonke imisebenzi yakho emangalisayo. +

 2 Ngizojabula ngethabe ngawe;

O wena oPhezukonke, ngizolihubela igama lakho. +

 3 Lapho izitha zami zibaleka, +

Zizokhubeka zishabalale phambi kwakho.

 4 Ngoba ungenzele ubulungisa wangimela;

Wahlulela ngokulunga uhlezi esihlalweni sakho sobukhosi. +

 5 Uzikhuzile izizwe, + wabhubhisa ababi,

Walesula phakade naphakade igama labo.

 6 Isitha sibhuqwe phakade;

Amadolobha aso uwasiphulile,

Ngeke siphinde sikhunjulwe. +

 7 Kodwa uJehova uhleli esihlalweni sakhe sobukhosi kuze kube phakade; +

Usimise saqina isihlalo sakhe sobukhosi ngenjongo yobulungisa. +

 8 Uyokwahlulela umhlaba* ngokulunga; +

Uyokwahlulela izizwe ngokulunga. +

 9 UJehova uyoba yindawo yokuphephela* elondekile kocindezelwe, +

Indawo yokuphephela elondekile ngezikhathi zokucindezeleka. +

10 Labo abalaziyo igama lakho bayothembela kuwe; +

Awusoze wabashiya labo abakufunayo, Jehova. +

11 Hubelani uJehova, ohlala eZiyoni;

Khulumani ngezenzo zakhe phakathi kwezizwe. +

12 Uyobakhumbula abahluphekile aphindiselele igazi labo; +

Ngeke akukhohlwe ukukhalela kwabo usizo. +

13 O Jehova, ngibonise umusa; bona ukuhlupheka kwami okubangelwa yilabo abangizondayo,

O wena ongikhuphula emasangweni okufa, +

14 Ukuze ngimemezele izenzo zakho ezifanelekela ukudunyiswa emasangweni endodakazi yaseZiyoni, +

Ngijabule ngensindiso yakho. +

15 Izizwe zishone phansi emgodini eziwumbile;

Unyawo lwazo lubanjwe enethini ezilifihlile. +

17 Ababi bazoya eThuneni,*

Zonke izizwe ezimkhohlwayo uNkulunkulu.

18 Kodwa abampofu ngeke balibaleke njalo; +

Nethemba labamnene ngeke lishabalale. +

20 O Jehova, zifake ukwesaba, +

Izizwe mazazi ukuthi zingabantukazana nje. (Sela)