AmaHubo

26 Ngahlulele Jehova, ngoba ngihambe ngobuqotho bami; +

Ngithembele kuJehova ngaphandle kokunqikaza. +

 2 Ngihlole Jehova, ungivivinye;

Cwenga imicabango yami ejulile* nenhliziyo yami. +

 3 Ngoba uthando lwakho oluqotho luphambi kwami njalo,

Ngihamba eqinisweni lakho. +

 4 Anginabungani* nabantu abakhohlisayo, +

Ngiyabagwema labo abafihla lokho abayikho.*

 5 Ngiyakuzonda ukuzihlanganisa nabenzi bokubi, +

Angihlali nababi. +

 6 Ngizogeza izandla zami ukuze ngibonise ubumsulwa bami,

Ngizozungeza i-altare lakho, Jehova,

 7 Ukuze ngikubonge ngezwi elizwakalayo, +

Ngimemezele yonke imisebenzi yakho emangalisayo.

 8 Jehova, ngiyayithanda indlu ohlala kuyo, +

Indawo ehlala inkazimulo yakho. +

 9 Ungangishabalalisi* kanye nezoni +

Ungangibulali kanye nabantu abanobudlova,*

10 Abahlale beziphatha ngendlela ehlazisayo,

Nabathanda ukwamukela isifumbathiso.*

12 Unyawo lwami lumi endaweni ephephile; +

Ebandleni elikhulu, ngiyomdumisa uJehova. +