uJobe

 2 “Kuyoze kube nini ningicasula, *+

Ningichoboza ngamazwi? +

 3 Sekuyizikhathi eziyishumi ningisola;*

Aninamahloni ngokuthi ningiphatha ngokhahlo. +

 4 Uma kuwukuthi ngilenzile ngempela iphutha,

Iphutha lami liyohlale lingelami.

 5 Uma niqhubeka nokungibukela phansi,

Nithi isihlamba sami singifanele,

 6 Yazini ukuthi nguNkulunkulu ongidukisile,

Ungibambe ngenethi lakhe lokuzingela.

 7 Bhekani! Ngilokhu ngikhale njalo, ngithi, ‘Ubudlova!’ kodwa angitholi mpendulo; +

Ngilokhu ngikhalela usizo, kodwa abukho ubulungisa. +

 8 Indlela yami uyivimbe ngodonga lwamatshe, angikwazi ukudlula;

Umboze izindlela zami ngobumnyama. +

 9 Ungiphuce inkazimulo yami,

Wasusa umqhele ekhanda lami.

10 Ungichoboza nxazonke ngize ngishabalale;

Ithemba lami ulisiphula njengesihlahla.

11 Intukuthelo yakhe iyangivuthela,

Ungibheka njengesitha sakhe. +

12 Amabutho akhe ayahlangana angivimbezele,

Amise amatende azungeze itende lami.

13 Abafowethu ubaxoshile wabayisa kude nami,

Nabangaziyo bangifulathele. +

14 Abangani bami abakhulu* abasekho,

Nalabo ebengibazi kahle bangikhohliwe. +

15 Izivakashi emzini wami + nezigqilakazi zami zingibheka njengomuntu oyisihambi;

Ngiyisifiki emehlweni azo.

16 Ngibiza inceku yami, kodwa ayiphenduli;

Ngomlomo wami ngiyincenga ukuba ingibonise uzwela.

17 Umoya wami usuyenyanyeka kumkami, +

Futhi ngiyiphunga elibi kubafowethu.

18 Ngisho nezingane ezincane azinginaki;

Uma ngisukuma, ziyangidelela.

19 Ngiyanengeka kubo bonke abangani bami abakhulu, +

Nalabo ebengibathanda bangijikele. +

20 Amathambo ami anamathela esikhunjeni nasenyameni yami, +

Ngisinde sengibangwa nezibi.

21 Ngiboniseni umusa bangani bami, ngiboniseni umusa,

Ngoba isandla sikaNkulunkulu uqobo singithintile. +

22 Kungani niqhubeka ningishushisa njengoba kwenza uNkulunkulu, +

Ningayeki ukungihlasela? +

23 Ukube nje amazwi ami abebhalwe phansi,

Ukube abengabhalwa encwadini!

24 Ukube nje abeqoshwe edwaleni kuze kube phakade,

Ngothi lokuloba lwensimbi nangomthofu!

25 Ngoba ngazi kahle ukuthi umkhululi *+ wami uyaphila;

Uzoza kamuva, aphakame phezu komhlaba.

26 Ngemva kokuba isikhumba sami sesivithikile,

Ngiyombona uNkulunkulu ngisaphila,

27 Lowo engiyozibonela yena mathupha,

Lowo amehlo ami uqobo ayombona, hhayi awomunye umuntu. +

29 Yesabeni inkemba, +

Ngoba inkemba iletha isijeziso ngenxa yeziphambeko;

Kufanele nazi ukuthi ukhona umahluleli.” +