uJobe

 2 “Ukube nje ukukhathazeka kwami + bekungakalwa konke

Kubekwe ezikalini kanye nokuhlupheka kwami!

 4 Ngoba imicibisholo yoMninimandla Onke ingihlabile,

Umoya wami uphuza ubuthi bayo; +

Izinto ezisabisayo ezivela kuNkulunkulu zilinde ukumelana nami.

 5 Imbongolo yasendle + iyokhala yini lapho inotshani,

Noma inkunzi iyobhonga yini lapho inefolishi?

 6 Ukudla okuduma kuyadleka yini ngaphandle kukasawoti,

Noma bukhona yini ubumnandi ejusini yezithelo ezinamfukayo?

 8 Ukube nje isicelo sami besingamukelwa,

UNkulunkulu anginike engikufisayo!

 9 Ukube uNkulunkulu ubengazimisela ukungichoboza,

Ukube ubengelula isandla sakhe aqede ngami! +

10 Ngoba nalokho bekuyongiduduza;

Bengiyogxumagxuma yinjabulo naphezu kobuhlungu obungapheli,

Ngoba angizange ngiwaphike amazwi oNgcwele. +

13 Ingabe ikhona indlela engingazisiza ngayo

Njengoba ingasekho indlela engizisekela ngayo?

14 Noma ubani ogodlela umuntu wakubo uthando oluqotho +

Uyoyeka ukwesaba uMninimandla Onke. +

15 Abangani bami* bangikhohlise + njengomfula wasebusika,

Njengamanzi emifula yasebusika eshayo.

16 Imnyama ngenxa yeqhwa,

Kuyo kufihleke iqhwa elincibilikayo.

17 Kodwa ngenkathi efanele ayibi nawo amanzi bese iyaphela;

Lapho kushisa, iyoma.

18 Imizila yayo iphambukisiwe;

Igelezela ogwadule ishabalale.

19 Izihambi ezivela eThema + ziyayibheka;

Izihambi ezivela eSheba *+ ziyilindile.

20 Zinamahloni ngoba beziqiniseka ngokuthi zizothola amanzi;

Zifike khona zadumazeka.

21 Ngoba yilokho eseniphenduke khona kimi; +

Nilubonile usizi lwami olwesabisayo, nethuka. +

23 Ngike ngacela yini ukuba ngisindiswe esandleni sesitha,

Noma ukuba ngisindiswe* kubacindezeli?

24 Ngiyale, mina ngizothula; +

Ngisize ngiqonde iphutha lami.

26 Ingabe niceba ukusola amazwi ami,

Amazwi omuntu ophelelwe ithemba, + apheshulwa umoya?

27 Niyokwenza ngisho nezinkatho ngentandane +

Nithengise* ngomngani wenu! +

28 Manje phendukani ningibheke,

Ngoba ngeke ngiqambe amanga kini.

29 Ngicela nicabangisise—ningangahluleli ngokungeyikho—

Ngiyanicela, cabangisisani, ngoba ukulunga kwami akukashintshi.