AmaHubo

28 O Jehova Dwala lami, ngiyaqhubeka ngikubiza; +

Ngilalele.

Uma ungangiphenduli,

Ngiyoba njengalabo abehlela phansi egodini. *+

 2 Yizwa ukuncenga kwami lapho ngikhalela usizo kuwe

Lapho ngiphakamisela izandla zami ekamelweni elingaphakathi lendlu yakho engcwele. +

 3 Ungangishaneli nabantu ababi, nabenza okulimazayo, +

Labo abakhuluma amazwi okuthula nabanye abantu kodwa kube kukhona okubi ezinhliziyweni zabo. +

 4 Babuyisele ngokwezenzo zabo, +

Ngokwemikhuba yabo emibi.

Babuyisele ngokwemisebenzi yezandla zabo,

Ngokwalokho abakwenzile. +

 5 Ngoba abayinaki imisebenzi kaJehova, +

Noma umsebenzi wezandla zakhe. +

 6 Makadunyiswe uJehova,

Ngoba ukuzwile ukukhalela kwami usizo.

 7 UJehova ungamandla ami + nehawu lami; +

Inhliziyo yami yethembele kuye. +

Ungisizile, inhliziyo yami iyathokoza,

Ngakho ngizomdumisa ngengoma yami.

 8 UJehova ungamandla kubantu bakhe;

Uyisiphephelo, uletha insindiso enkulu kogcotshiwe wakhe. +