Yonke Imibuzo Yakhe Yaphendulwa

Indoda eyatholana noFakazi BakaJehova eNdiya yathola ukuthi lokho ababekufundisa kwakuhluke kakhulu kulokho eyayikufundiswe esontweni. Yakhuluma noFakazi BakaJehova ngalokhu yaze yabhalela nehhovisi legatsha laseNdiya ibuza imibuzo.

Khona-ke, ngolunye usuku lendoda yabhala incwadi eyayiqala kanje: “Bafowethu abathandekayo eLonavla”—indawo lapho ihhovisi legatsha loFakazi BakaJehova likhona eNdiya. Yachaza: “Konke ukungabaza nemibuzo yami kuvele kwaxazululwa kumagazini i-Phaphama! ka-May 8, 1995, ngaphansi kwesihloko esithi ‘Ingabe Wake Wazibuza?’ Nginesiqiniseko esiphelele sokuthi oFakazi BakaJehova baneqiniso.”

Leso sihloko esikuyi-Phaphama! sasiphendula imibuzo enjengalena elandelayo: “Ingabe ukukhulekela kweqiniso bekungazama ukufihla noma ukushintsha igama likaNkulunkulu elambuliwe?” “Inkolo yeqiniso kufanele ibonise ukuziphatha okunjani njengomphumela wezimfundiso zayo?” “Ingabe ukukhulekela okuvunyelwa uNkulunkulu bekuyovumela ukuhlanganyela ezimpini nasekubulalaneni kwezinhlanga noma kwezizwe?”

Sinethemba lokuthi i-Phaphama! ingakusiza nawe ekufuneni iqiniso leBhayibheli. Uma ungathanda ukuthola ikhophi yayo noma ukuba othile afike lapho uhlala khona azoxoxa nawe ngeBhayibheli, siza ubhalele i-Watch Tower, Private Bag X2067, Krugersdorp, 1740, South Africa, noma ekhelini elifanele ekhasini 5.