Ingabe Waklanywa?

Umlenze We-seagull

◼Unyawo lwe-seagull alugodoli luze lome ngisho noma imi eqhweni. Le nyoni ikulondoloza kanjani ukushisa komzimba? Ingxenye yemfihlo iyilokho okubizwa ngokuthi isimiso sokufudumeza umzimba (countercurrent heat exchangers).

Cabangela lokhu: Lesi simiso sokufudumeza umzimba sinethumbu elinoketshezi olufudumele elihamba eceleni kwelinoketshezi olubandayo. Uma lolu ketshezi olukula mathumbu luhamba luye ohlangothini olulodwa, ludlulisela ingxenye kuphela yokushisa. Kodwa uma luphambana, ludlulisela cishe konke ukushisa.

Lesi simiso sokufudumeza esisemilenzeni ye-seagull sibandisa igazi lapho liya ezinyaweni lize licishe lome bese silifudumeza lapho likhuphuka. Lapho sikhuluma ngezinyoni ezihlala ezindaweni ezibandayo, isazi sezinyoni uGary Ritchison, siyabhala: “Lesi simiso sokufudumeza umzimba siyaphumelela futhi sihlakaniphe kangangokuba abantu baye basisebenzisa emiklamweni yobunjiniyela ukuze banciphise ukusetshenziswa kabi kukagesi.”

Ucabangani? Ingabe lesi simiso sokufudumeza umzimba esisemilenzeni ye-seagull saba khona ngengozi? Noma ingabe saklanywa?a

[Umbhalo waphansi]

[Umdwebo/Izithombe ekhasini 25]

(Ukuze ubone ukuthi indaba ihlelwe kanjani, bheka encwadini)

Isimiso sokufudumeza umzimba esisemilenzeni ye-“seagull” sifudumeza igazi elikhuphukayo

[Umdwebo]

32°C

0-5°C

[Umthombo Wesithombe ekhasini 25]

Seagull: © Michael S. Nolan/age fotostock