-
Ukukhulekela Kweqiniso Kwenabela Emhlabeni WonkeIsiprofetho Sika-Isaya—Ukukhanya Kuso Sonke Isintu II
-
-
Ukukhanya Okukhazimulayo Okubonisa Ukwamukelwa Phezulu
27. Yikuphi ukukhanya okungapheli okukhanya phezu ‘kowesifazane’ kaJehova?
27 Amandla okukhanya, okukhanya phezu kweJerusalema achazwa nguJehova lapho ethi: “Ilanga ngeke lisaba ukukhanya kuwe emini, nenyanga ngeke isakunika ukukhanya ukuze kube khona ukukhanya okukhulu. UJehova uyoba ukukhanya kwaphakade kuwe, uNkulunkulu wakho abe ubuhle bakho. Ilanga lakho ngeke lisashona, nenyanga yakho ngeke isafa; ngoba uJehova uyoba ukukhanya kwaphakade kuwe, futhi izinsuku zokulila kwakho ziyobe zifinyelele ekupheleni.” (Isaya 60:19, 20) UJehova uyoqhubeka ‘engukukhanya kwaphakade’ ‘kowesifazane’ wakhe. Akasoze ‘ashone’ njengelanga noma ‘afe’ njengenyanga.d AmaKristu agcotshiwe, abameleli abangabantu ‘bowesifazane’ kaNkulunkulu, akhanyiswa ukukhanya kwakhe okungapheli okubonisa ukuthi uyawamukela. Wona kanye nesixuku esikhulu ajabulela ilangabi lokukhanya okungokomoya elingeke licinywe ubumnyama obukwezombusazwe noma kwezentengiselwano zezwe. Futhi bayalethemba ikusasa eliqhakazile uJehova ababekele lona.—Roma 2:7; IsAmbulo 21:3-5.
-
-
Ukukhulekela Kweqiniso Kwenabela Emhlabeni WonkeIsiprofetho Sika-Isaya—Ukukhanya Kuso Sonke Isintu II
-
-
d Umphostoli uJohane usebenzisa ulimi olufanayo lapho echaza “iJerusalema elisha,” abangu-144 000 uma sebesenkazimulweni yasezulwini. (IsAmbulo 3:12; 21:10, 22-26) Kuyafaneleka lokhu ngoba “iJerusalema elisha” lifanekisela wonke amalungu ka-Israyeli kaNkulunkulu ngemva kokuba esamukele umvuzo wawo wasezulwini, kanye noJesu Kristu baba ingxenye eyinhloko ‘yowesifazane’ kaNkulunkulu, “iJerusalema eliphezulu.”—Galathiya 4:26.
-