“[Ngingogcwalisa] izwi lenceku yakhe, afeze ukululekana kwezithunywa zakhe.”—ISAYA 44:25, 26.

 1. UJehova ulubonakalisa kanjani uhlobo olufanele lwezithunywa, futhi uludalula kanjani olwamanga?

UJEHOVA UNKULUNKULU unguMbonakalisi Omkhulu wezithunywa zakhe zeqiniso. Uzibonakalisa ngokufeza izigijimi azidlulisela ngazo. UJehova futhi unguMdaluli Omkhulu wezithunywa zamanga. Uzidalula kanjani? Ubhuntshisa izibonakaliso nezibikezelo zazo. Ngalendlela ubonisa ukuthi zingababikezeli abazimise bona, abazigijimi zabo empeleni zivela ekucabangeni kwabo okungamanga—yebo, ukucabanga kwabo kobuwula nokungokwenyama!

⁶ Njengokungathi lokhu kwakungenele, abathunjwa abangama-Israyeli bachaywa nakubabikezeli benhlanhla, ababhuli nabafunda izinkanyezi baseBabiloni abaqhoshayo. Nokho, uJehova wabonisa zonke lezi zithunywa zamanga ziyiziwula ezinqotshiwe, eziprofetha okungeyikho. Ngokuhamba kwesikhathi wabonisa ukuthi uHezekeli wayeyisithunywa sakhe seqiniso, njengo-Isaya. UJehova wawagcwalisa wonke amazwi awakhuluma ngabo, njengoba nje ayethembisile: “[NginguJehova] oshafisa izibonakaliso zabaprofethi bamanga, enze ababhuli ukuba bahlanye, obuyisela emuva abahlakaniphileyo, enze ukwazi kwabo kube-ngubuwula; ogcwalisa izwi lenceku yakhe, afeze ukululekana kwezithunywa zakhe.”—Isaya 44:25, 26.