Amadodana akho abé nesinxi. Alalé ekuqaleni kwazo zonke izitaladi njengezimvu zasendle enetheni, njengalabo abagcwele ukufutheka kukaJehova, ukusola kukaNkulunkulu wakho.”—Isaya 51:19, 20.

Engakwazi ukuliqondisa nokuliqinisa, “amadodana” alo ayobukela engakwazi ukusiza, ezacile, engaqinile ngokwanele ukuba akwazi ukuxosha abahlaseli baseBabiloni. Ekuqaleni kwezitaladi noma obala emakhoneni azo, ayolala phansi ebanjwe isinxi, engenamandla futhi ekhathele. (IsiLilo 2:19; 4:1, 2) Ayobe esesiphuzile isitsha sokufutheka kukaNkulunkulu futhi ayobe engenamandla efana nezilwane ezibhajwe enethini.