Nokho, okunye kwalokho uJesu akusho kwadlulela ngalé kohambo lwabaphostoli lokushumayela. Wathi kubo: “Kepha xwayani abantu, . . . Niyakuyiswa nangaphambi kwababusi namaKhosi ngenxa yami, kube-ngubufakazi kubo nakwabezizwe.” (Mathewu 10:17, 18) Kulolohambo, abangu-12 ngokunokwenzeka babhekana nokuphikiswa, kodwa abukho ubufakazi bokuthi bayiswa “phambi kwababusi namakhosi” ukuze banikeze ubufakazi “kwabezizwe.”a Eminyakeni yakamuva, abaphostoli bavela phambi kwababusi, njengamakhosi uHerode Agrippa I nowesi-II, uSergiyu Pawulu, uGaliyu, ngisho noMbusi uNero. (IzEnzo 12:1, 2; 13:6, 7; 18:12; 25:8-12, 21; 26:1-3) Ngakho amazwi kaJesu asebenza kamuva.