Futhi uma nibingelela abafowenu kuphela, nenza lukhulu luni na? Abantu bezizwe abenzi yini nabo into efanayo?” (Math. 5:46, 47)

 7. Kungani siyobe singenzi ‘lukhulu’ uma sibingelela ‘abafowethu’ kuphela?

⁷ Indlela yamaJuda evamile yokubingelela yayihlanganisa negama elithi ‘ukuthula.’ (AbaHl. 19:20; Joh. 20:19) Lalinomqondo wokufisela obingelelwayo impilo, inhlalakahle nokuchuma. Siyobe singenzi ‘lukhulu’ uma sibingelela kuphela labo esibabheka ‘njengabafowethu.’ Njengoba uJesu abonisa, “abantu bezizwe” nabo babenza okufanayo.